Abadepite bagize inteko ya Zambia basuye ministeri y'ubutabera mu Rwanda

Abadepite bagize komisiyo y'ubumenyi n'ikoranabunga mu nteko ishinga amategeko bo mu gihugu cya Zambia bari mu ruzinduko mu Rwanda, batangaje ko bagiye gukora ubuvugizi  ku kibazo cy'abanyarwanda bagize uruhare muri Jenoside yakorewe Abatutsi bahungiye muri iki gihugu.

Umushinjacyaha mukuru Jean Bosco Mutangana yavuze ko harimo gukorwa ibiganiro bigamije gusinya amasezerano yo kohererezanya abanyabyaha hagati y’ibihugu byombi.

Izi ntumwa za rubanda zasuye ministeri y'ubutabera zasobanuriwe ikibazo cy’abanyarwanda bagize uruhare muri Jenoside yakorewe Abatutsi bakidegembya muri Zambia maze bavuga ko bagiye kuba abavugizi kuri iki kibazo.

Kugeza ubu abantu 9 ni bo bashakishwa n’ubutabera bw’u Rwanda bari muri Zambia kubera ibyaha bya Jenoside basize bakoze. Iri tsinda ry'abadepite baje kwigira ku Rwanda mu bijyanye n'ubumenyi  n’ikoranabuhanga