Abakoze kera barinubira amafaranga make y'ubwiteganyirize bahabwa

Bamwe mu bageze mu kiruhuko cy'izabukuru bahabwa amafaranga y'ubwiteganyirize bw'izabukuru barasaba ko amafaranga bahabwa yakongerwa kuko atajyanye n'igihe. 

Gutanga ubwiteganyirize bw'izabukuru ndetse n'ubwiteganyirize bw'ibyago bikomoka ku kazi ni itegeko ku bakozi Bose ba leta ndetse n'abikorera. Iri tegeko ryagiyeho mu mwaka w'1974 umukozi agateganyirizwa 8% by'umushahara mbumbe akorera.

Bamwe mu bageze mu kiruhuko cy'izabukuru basaba ko iri tegeko rigenga umusanzu w'ubwiteganyirize bw'abakozi ryavugururwa kuko ritajyanye n'igihe maze amafaranga bahabwa bageze mu zabukuru akongerwa.

Ubuyobozi bwa RSSB bavuga ko bagifite ikibazo cy'ingutu cya bamwe mu bakoresha batazigamira abakozi babo doreko 80% aribo batangirwa imisanzu naho 20%  bagakwepa kwishyura.Mu Rwanda abageze mu zabukuru bagera ku bihumbi 35 buri kwezi nibwo bahabwa amafaranga y'u Rwanda akabakaba miliyari 1,5.Umukozi wese ateganyirizwa amafaranga 8% by'umushahara mbumbe.