Abakozi 137 bahoze bakorera 'mituweli' barasaba gusezererwa neza n'imperekeza

AGEZWEHO


Abakozi 137 bahoze bakorera 'mituweli' barasaba gusezererwa neza n'imperekeza

Yanditswe November, 21 2017 at 16:04 PM | 2329 Views



Mu kwezi kwa mbere umwaka utaha, abahoze ari abakozi ba mutuelle de santé batabonye akazi mu kigo cy'igihugu cy'ubwiteganyirize RSSB, cyangwa mu zindi nzego bazasezererwa kandi batangire guhabwa imperekeza.

Ibi ni ibyatangajwe na minisitiri w'imari n'igenamigambi Amb. Claver Gatete kuri uyu wa kabiri, ubwo yari muri komisiyo y'imibereho y'abaturage y'umutwe w'abadepite.

Ubwo gahunda y'ubwisungane mu kwivuza yatangiraga gucungwa na RSSB, mu bakozi 1218 bahoze bakora muri mutuelle de sante, RSSB yafashemo 1,081, hasigara 137 barimo abagiye babona akazi mu zindi nzego z'ibanze.

Gusa abatarabonye akazi, ngo ntibasezerewe, ndetse nta n'imperekeza bahawe, akaba ari muri urwo rwego bamwe muri bo bandikiye inteko ishinga amategeko bayisaba kurenganurwa.

Ari kumwe na minisitiri w'abakozi ba leta Fanfan Rwanyindo Kayirangwa n'umunyamabanga wa leta muri MINALOC Alvera Mukabaramba, minisitiri w'imari n'igenamigambi Amb. Claver Gatete yasobanuriye abadepite bagize komisiyo y'imibereho y'abaturage barimo gusuzuma iki kibazo kugira ngo hamenyekane uko bagomba gukemura ikibazo cyagejejwe ku badepite bagize iyi komisiyo.

Ngo abakozi 137 basigaye batabonye imyanya y'akazi bakaba baratinze gusezererwa, kuko hagombaga kumenyekana ugomba kubasezerera no kubaha imperekeza.

Minisitiri w'imari n'igenamigambi yasobanuye ko aba bakozi bahembwaga mu mafaranga aturutse mu misanzu ya mutuelle.



Ba wambere gutanga igitekerezo

Tanga igitekerezo:



RSS FEED

Haracyari ikibazo cy'ubwishyu bw'amafaranga y'ubwiteganyirize bw&

Icyo abaturage bavuga ku mpinduka mu kwishyurira abanyamuryango ba RSSB

Abari mu kiruhuko cy'izabukuru barasa RSSB kubongerera amafaranga ya pansiy

Abakoreraga Leta ubu bari muri 'pension' bavuga ko amafaranga bahabwa

RSSB mu myenda y'ibigo nderabuzima

N'ubwo Batanga Umusanzu Muri Mutuelle De Sant Ntibavurwa Nk'uko Bikwiye