Abantu babiri nibo bazwi kuba barahagaritswe na Polisi ku ngufu mu minsi mikuru

Police y'u Rwanda iratangaza ko abantu bakwiye gukomeza kwitwararika muri iyi minsi mikuru bubahiriza amategeko y'umuhanda. Ibi Police irabitangaza mu gihe mu minsi 2 ikurikiranye habonetse amakosa y'abantu 2 banze guhagarara mu gihe bahagaritse na police bashaka kujya ahatemewe, bagahagarikwa hifashishijwe ingufu.

Police y'u Rwanda ishami rishinzwe umutekano wo mu muhanda ivuga ko mu gihe cyo kwizihiza umunsi mukuru wa Noheli nta mpanuka zabaye zikomeye nta n'amakosa adasanzwe yagaragaye mu muhanda. Gusa ubwo abanyarwanda bitegura gutangira umwaka mushya wa 2017 ngo harimo kugaragara ikibazo cy'abantu barimo kwishima banywa inzoga nyinshi bagatwara imodoka basinze.

Inkuru irambuye mu mashusho:

Police y'u Rwanda isaba abantu ko bakwiye kwidagadura, bakishima muri iyi minsi mikuru ariko bubahiriza amategeko. Police ivuga ko ihari kugirango abantu bidagadure mu mutuzo.