Abanyamakuru bakanguriwe kwirinda inkuru z'ibihuha n'izidacukumbuye byimbitse

AGEZWEHO


Abanyamakuru bakanguriwe kwirinda inkuru z'ibihuha n'izidacukumbuye byimbitse

Yanditswe April, 03 2017 at 17:06 PM | 936 Views



Minisiteri y'ubutabera iravuga ko kuba nta munyamakuru ukigera mu nkiko  azira akazi ke ari ari intambwe ishimishije igihugu kimaze kugeraho mu kwimakaza demokarasi. Ibi byatangarijwe mu biganiro byahuje polisi y'u Rwanda n'abanyamakuru n'izindi nzego zikorana n'itangazamakuru umunsi ku munsi.

Ibi biganiro byahuje Police y'u Rwanda n'itangazamakuru byari bigamije kurebera hamwe uko umutekano w'abanyamakuru uhagaze mu gihe bari mu kazi, ubwisanzure bwabo n'uburyo bagera ku makuru.

Umuyobozi w'urwego rw'abanyamakuru bigenzura (RMC) Cleophace Barore avuga ko kuva aho uru rwego rugiriyeho nta banyamakuru bakigera mu nkiko kubera ibibazo bishingiye ku mwuga wabo. Asobanura ko ibibazo 200 uru rwego rumaze kwakira mu myaka 4 ishize byacyemutse bitagejejwe mu nkiko. Uretse ibi, imikoranire hagati ya polisi n'itangazamakuru nayo yateye intambwe nziza. 

Minisitiri w'ubutabera Johnston Busingye asanga kuba nta banyamakuru bakigaragara mu nkiko biturutse ku mwaga wabo, ari intambwe ishimishije imaze kugerwaho, "Kumva ko mu banyamakuru 700 nta numwe urimo gukururanwa mu nkiko, mu by'ukuri ni intambwe ishimishije twese tugomba kwishimira nk'abanyarwanda, si ukubvuga ko nta bibazo bihari, si ukuvuga ko nta bintu biba byakozwe bitari byo, si ukuvuga ko nta nkuru idacukumbuye yakozwe si ukuvuga ko nta nkuru wanditse yagize uko imbabaza.

N'ubwo itangazamakuru rigira uruhare mu kubaka igihugu, umuyobozi mukuru wa Police y'u Rwanda Comissioner General Emmanuel Gasana avuga ko muri iki gihe hatangiye kugaragara ikibazo cy'abantu bakwirakwiza ibihuha bifashishije uburyo bw'itangazamakuru, "Gukoresha media nabi ugasanga abantu bagiye mu rujijo, umuntu akandika ati Mihigo Kizito yafunguwe kandi atafunguwe, ubwo uba ugamije iki? tuba tugomba gukorera hamwe kugira ngo igihugu kigere ku iterambere, dutangira amakuru ku gihe kandi asobanutse, iyo nkuru rero ntabwo yari isobanutse iyo nkuru yasakajwe ku mbuga nkoranyambaga zitandukanye, ubwo rero urumva ko abantu nkabo tugomba kubanenga, tukabagaya, tukamenya icyo baba bagamije.

Itangazamakuru rirasabwa kugira uruhare mu kurwanya ibyaha cyane ibikorwa hifashishijwe ikoranabuhanga, ruswa, ubujuru n'ibindi.




Ba wambere gutanga igitekerezo

Tanga igitekerezo:



RSS FEED

Polisi y'igihugu yataye muri yombi abantu 30 bakekwaho gutanga ruswa n'

Polisi yaganirije abanyonzi mu rwego rwo kwirinda impanuka zo mu mihanda

Polisi y'u Rwanda yatangije ubukangurambaga bwo kwirinda impanuka zo mu muh

Polisi yasinye amasezerano yo gutera ibiti na ministeri y'ubutaka n'am

Ibigo byigenga 2 bicunga umutekano byafunzwe na Polisi y' u Rwanda

Abantu 25 baturutse mu bihugu bitandukanye basuye Isange one-stop centre