Abanyarwanda mu nzego zose bakwiye kugira uruhare mu kubaka ubumwe-Min Uwacu

AGEZWEHO


Abanyarwanda mu nzego zose bakwiye kugira uruhare mu kubaka ubumwe-Min Uwacu

Yanditswe March, 27 2017 at 16:30 PM | 633 Views



Minisitiri wa Siporo n'umuco aratangaza ko kubaka ubumwe bw'Abanyarwanda bisaba ubufatanye bwa Leta, abaturage n'inzego zose kuko bwigeze guhura n'ibibazo bikomeye bikabusenya. Ibyo Minisitiri Uwacu yabitangaje ubwo yaganiraga na komisiyo y'imibereho myiza y'abaturage, uburenganzira bwa muntu n'ibibazo by'abaturage mu nteko ishinga amategeko umutwe wa Sena.

Minisitiri Uwacu yavuze ko ingamba zigomba gufatwa impande zose kandi hakabaho gukumira icyasenya ubumwe bw’abanyarwanda:Ubumwe kubusenya byatwaye igihe kinini hakoreshwa uburyo butandukanye. Kubwubaka nabyo birasaba umwanya, kandi bigasaba ubufatanye bw'inzego zitandukanye tukabikora mu guha uburenganzira bungana n'amahirwe angana ku banyarwanda, ibyo ubuyobozi cyangwa igihugu kigenera abaturage ntihagire uhezwa, ubufatanye ku bagore n'abagabo, abikorera. ibyo byose iyo ubishyize hamwe nibwo umusaruro tumaze kugeraho. No gukumira ibishobora kutudindiza, umubyeyi uburere aha umwana we agomba kumwigisha urukundo, abanyamadini bakigisha urukundo.”

Mu bitekerezo n'ibyifuzo abasenateri bari muri icyo kiganiro batanga basanga Minisiteri ya Siporo n'umuco ikwiye kwita ku bikorwa by'ubushakashatsi kugira ngo bifashe gukomeza guteza imbere inzira y'ubumwe n'ubwiyunge

Bimwe mu bikorwa bishingiye ku muco nyarwanda nko kugabirana inka, umuganda, umuganura n'ubudehe bifatwa nk'ibyorohereza iterambere ry'ubumwe bw'Abanyarwanda, ariko ngo hari n'ibindi byinshi bikwiye gusesengurwa kugira ngo bikomeze gufasha muri iyo nzira.

Mu bushakashatsi komisiyo y'ubumwe n'ubwiyunge iherutse gushyira ahagaragara yerekanye ko igipimo cy'ubumwe n'ubwiyunge kigeze kuri 92,5%, ni igipimo cyishimirwa n'abitabiriye icyo kiganiro, ariko na none icyo bahurizaho ni uko ari urugendo rudahagarara mu kugiteza imbere no kugisigasira.


PHOTO:Internet




Ba wambere gutanga igitekerezo

Tanga igitekerezo:



RSS FEED

Perezida Kagame yatashye Ingoro Ndangamurage y'Urugamba rwo Guhagarika Jeno

Ministre mushya w'ikoranabuhanga n'itumanaho n'uw'uburezi ba

William Gelling avuga ko umubano w'u Rwanda n'Ubwongereza urushaho kub

Ubushakashatsi bwa TIR bwerekana ko polisi iri mu nzego zigaragaramo ruswa cyane

Hari ibihugu bititabira kohereza abakekwaho ibyaha bya Jenoside--Ubutabera

Polisi y'igihugu yataye muri yombi abantu 30 bakekwaho gutanga ruswa n'