Abanyeshuli bo mu cyiciro rusange n'ab'umwaka wa 6 batangiye ibizamini bya leta

AGEZWEHO


Abanyeshuli bo mu cyiciro rusange n'ab'umwaka wa 6 batangiye ibizamini bya leta

Yanditswe November, 21 2017 at 19:42 PM | 2489 Views



Mu gihugu hose abanyeshuri bo mu mashuri yisumbuye basaga ibihumbi 140 bazindukiye mu bizamini bisoza icyiciro rusange n'umwaka wa 6 w'amashuri yisumbuye. Minisiteri y'uburezi iravuga ko ibyangombwa byose bikenerwa muri ibi bizamini byagereze aho ibizamini bikorerwa ku gihe.

Mbere y'uko abanyeshuri binjira mu byumba by'amashuli ngo batangire ibizamini babanzaga guhabwa amabwiriza abigenda ndetse hakabaho no kubasaka kugirango hatagira uwinjirana urupapuro cyangwa ikindi kintu cyatuma akopera.

Umunyamabanga wa leta muri ministeri y'uburezi ushinzwe amashuri abanza n'ayisumbuye Issac Munyakazi na we atangaza ko ku ruhande rwa ministeri ibi bizamini nabo babyiteguye neza. Yagize ati, "Twarabyiteguye n'ibyangombwa byose byageze aho bigomba kugera, abagomba kubihagararira barahari nta kibazo mu by'ukuri twumva dufite mu gutangiza iki kizamini."

Abanyeshuri bose batangiye ibizamini bya leta ni 142,305 bakoreye ku bigo 858. Muri bo abakoze ikizamini gisoza icyiciro rusange ni 98,268 naho abarangije umwaka wa 6 ni 44,037.

Ugereranyije n'umwaka wa 2016 abanyeshuri bari biyandikishije gukora ibizamini bya leta bari 133,211 biyongereye ku kigero cya 6,8% kuko biyongereyeho abanyeshuri 9,094.       

Inkuru irambuye mu mashusho:




Ba wambere gutanga igitekerezo

Tanga igitekerezo:



RSS FEED

Abanyeshuli b'amashuli abanza bakoze ikizamini cya leta bizeye gutsinda

Ubujyanama buhabwa abanyeshuli bugira umumaro ku isoko ry'umurimo--MINEDUC

Abarimu bo mu Rwanda no mu karere ka EAC bakanguriwe kwimakaza uburinganire

Kaminuza ya Gitwe iracyategereje mu gihe INES yo hari amashami yafunguwe

Perezida Paul Kagame yakiriye itsinda ry'abanyeshuli ba kaminuza ya Stanfor

MINEDUC yatangije ibarura ry'abarimu kuko hari ahagaragaye abarimu ba barin