Abaturage bagize ibihugu bya EAC bazatangira gukoresha pasiporo ya EAC mu 2018

AGEZWEHO


Abaturage bagize ibihugu bya EAC bazatangira gukoresha pasiporo ya EAC mu 2018

Yanditswe April, 11 2017 at 18:07 PM | 1168 Views



Ubuyobozi bw'ikigo gishinzwe abinjira n'abasohoka buratangaza ko guhera muri Mutarama umwaka utaha wa 2018 ibihugu bigize umuryango wa Afrika y'iburasirazuba (East African Community) bizatangira gukoresha urwandiko rumwe rw'inzira rw'abajya mu mahanga (Passport).

Ibi ngo bikazafasha abatuye ibi bihugu kugenderana nta nkomyi kandi izi passport zikazabamerera no kujya mu bindi bihugu by'isi; cyokora ngo passport zari zisanzwe zizakomeza gukoreshwa kugeza mu mwaka wa 2020.

Urwego rushinzwe abinjira n'abasohoka ruvuga ko uko isi igenda itera imbere ari ko ikenera gukoresha ikoranabuhanga mu nzego zose arinayo mpamvu ibihugu bigize umuryango wa Afrika y'iburasirazuba byemeje umushinga wo kugira passport imwe bihuriyeho izasimbura izo buri gihugu cyajyaga gikoresha. Umuyobozi w'ikigo gishinzwe abinjira n'abasohoka mu Rwanda Anaclet Kalibata avuga ko hari icyizere gikomeye ko iyi gahunda izubahirizwa kuko ibihugu bigize umuryango w'afrika y'iburasirazuba bibyumva neza. 

Ku birebana n'ikiguzi cya passport ngo nta kizahinduka. Ku rundi ruhande ariko passport nshya izaba ifite ibirango by'inyongera ku byari bisanzweho.

Kuva mu mwaka wa 2014 abaturage bo mu bihugu by'u Rwanda, Uganda na Kenya  bashyiriweho uburyo bwo koroshya urujya n'uruza muri kimwe muri ibi bihugu bakoresheje indangamuntu. Igihe ibihugu bigize umuryango wa Afrika y'iburasirazuba bizaba byatangiye gukoresha passport imwe  ni umwe mu mishinga ibi bihugu bizaba bigezeho mu gihe bigifite undi wo gukoresha ifaranga rimwe muri uyu muryango.




Ba wambere gutanga igitekerezo

Tanga igitekerezo:



RSS FEED

Kuba hari ibihugu bitarasinya amasezerano ya EPA biracyari imbogamizi--Kanimba

Igikorwa cyo gutambagiza urumuri rw'amahoro kiri mu byabanjirije KIPM

Abadepite 9 nibo batorewe guhagararira u Rwanda mu nteko nshingamategeko ya EALA

Libreville: Perezida Kagame yitabiriye inama ya CEEAC

Abasirikare bo muri EAC bari kumwe n'abashinzwe umutekano mu Rwanda mu mahu

Igiti cy'amahoro kimaze imyaka 2 gitewe cyuhiwe ku munsi mpuzamahanga w