Amb. Nkurunziza yatanze impapuro zimwemerera gukorera muri Kazakhstan

Kuri uyu wa mbere, Amb. Nkurunziza William yatanze impapuro zimwemerera gutangira imirimo nk'uhagarariye u Rwanda muri Kazakhstan azishyikirije umunyamabanga wa Leta y'iki gihugu ufite mu nshingano ububanyi n'amahanga.

Ni igikorwa yakoreye rimwe n'abahagarariye ibihugu bya New Zealand, Paraguay, Burkina Faso, Sudan, Moldova, Iceland, Luxembourg na Montenegro.

Muri Gicurasi uyu mwaka, ni bwo Ambasaderi William Nkurunziza yashyikirije Perezida wa Turikiya, Recep Tayyip Erdoğan, impapuro zo guhagararira u Rwanda muri icyo gihugu ku rwego rwa Ambasaderi, umwanya yahawe mu Gushyingo kwa 2015, akanahabwa guhagararira u Rwanda mu bwami bwa Yordania, no muri Kazarkhstan na Lebanon.

Ambasade y’u Rwanda muri Turikiya yahise itangaza ko ari we ubaye intumwa ya mbere y’u Rwanda muri Repubulika ya Kazakhstan.