Bamwe mu bagize inteko yo muri Guinea Conakry basuye u Rwanda mu rugendo shuli

Intumwa zigize ihuriro ry'abagore bari mu nteko ishinga amategeko zaturutse muri Guinea Conakry, ziri mu Rwanda, zirashima intambwe u Rwanda rumaze gutera mu guteza imbere abagore, ihame ry'uburinganire, ndetse n'ubumwe n'ubwiyunge.

Izi ntumwa ziri mu rugendo shuli rw'iminsi 4 mu Rwanda, zakiriwe na visi perezida wa Senat Hon Jeanne d'Arc Gakuba.

Dr Djéné Saran CAMARA akomeza avuga ko bari mu Rwanda mu rwego rw'umubano usanzwe hagati y'ibihugu byombi.

Vice Perezida w'inteko ishinga amategeko umutwe wa Senat Hon Jeanne D'Arc Gakuba, avuga ko kwakira intumwa zo mu bihugu bitandukanye ziza kwigira ku Rwanda, bigaragaza ko hari icyo rushoboye kandi rumaze kugeraho mu iterambere.

Ihuriro ry'abagore bagize inteko ishingamategeko muri Guinea Conakry rijya gusa n'iryo mu Rwanda rya FFRP. Uretse u Rwanda andi matsinda ya bagenzi babo ari mu ngendo-shuri mu bihugu bya Senegal na Burkina Faso.