Hari abashakaga ko Umwami Kigeli wa V Ndahindurwa atabarizwa muri Portugal

AGEZWEHO


Hari abashakaga ko Umwami Kigeli wa V Ndahindurwa atabarizwa muri Portugal

Yanditswe January, 11 2017 at 16:05 PM | 990 Views



Umuryango w'Umwami Kigeli wa V Ndahindurwa uratangaza ko wishimira ko uzatabariza umwami mu Rwanda, aho gutabarizwa ishyanga nk'uko bamwe bo mu muryango we babyifuzaga kubera inyungu bari babifitemo. Ibyo byatangarijwe mu kiganiro uwo muryango wagiranye n'abanyamakuru kuri uyu wa gatatu.

Mu kiganiro Pasteur Esra Mpyisi, wari uhagarariye umuryango w'Umwami Kigeli wa V Ndahindurwa, yagiranye n'abanyamakuru, cy'ibanze ku mateka yamuranze kuva yimikwa, inzira y'ubuhungiro yanyuzemo, kugera atanze.

Kuzana umugogo w'umwami ngo byabanje kugorana kuko bamwe mu bagize umuryango we batifuzaga ko yatabarizwa mu Rwanda, ndetse biza no kubanza kunyura mu rukiko. Pasteur Esra Mpyisi yavuze ko abatifuzaga ko umwami Kigeli V Ndahindurwa atabarizwa mu gihugu cye babiterwaga n'inyungu zabo bwite.

Urundi ruhande ngo rwifuzaga ko atabarizwa muri Portugal kugira ngo abaje gusura umugogo we bajye batanga amafaranga, ibintu umuryango w'umwami ufata nk'aho ari ukumucuruza.

Umuryango w'umwami wishimira ko azatabarizwa i Nyanza aho yimikiwe nk'uko Pasteur Esra Mpyisi abitangaza.

Umwami Kigeli V Ndahindurwa yatanze ku ya 16 Ukwakira umwaka ushize, umugogo we uzanwa mu Rwanda kuri uyu wa mbere. Biteganyijwe ko uzatabarizwa ku cyumweru tariki 15 Mutarama.




Ba wambere gutanga igitekerezo

Tanga igitekerezo:



RSS FEED

Inama ku ikoranabuhanga y'ihuriro y'amashyaka ya politike mu Rwanda

Polisi y'u Rwanda yatangije ubukangurambaga bwo kwirinda impanuka zo mu muh

Ibigo bya Isange One-Stop Center bikwiye gushyirwa mu bigo nderabuzima--Sena

Abadepite bo muri Burkina Faso bari mu Rwanda kwiga ku miyoborere n'uburing

Abantu bose baturutse hanze bazajya bahabwa viza bageze mu Rwanda--'Immigra

Uruganda rukora moto mu Rwanda ruvuga ko rukora moto nyinshi kurusha izigurwa