CoK: Barigira hamwe uruhare rw’abashoramari mu iterambere

AGEZWEHO


CoK: Barigira hamwe uruhare rw’abashoramari mu iterambere

Yanditswe May, 30 2017 at 11:17 AM | 1589 Views



Umujyi wa Kigali n'urugaga rw'abikorera bateguye ihuriro ku ishoramari mu mujyi wa Kigali, bise Kigali investors forum, rikaba ryitabiriwe kandi na ministeri y'imari n'igenamigambi.

Abayirimo bararebera hamwe uruhare rw'abashoramari mu iterambere ry'umujyi wa Kigali, uko bakwihutisha ishoramari muri uyu mujyi, ndetse baranasesengura imbogamizi zibangamiye ishoramari n'umuti zafatirwa.

Umuyobozi w'umujyi wa Kigali Pascal Nyamulinda watangije ibi biganiro yagarutse kuri amwe mu mahirwe y'ishoramari ari muri Kigali nko kubaka amacumbi aciriritse, gushyiraho uburyo bwo gucunga imyanda, gufasha abatuye umujyi kubona aho bakwidagadurira n'ibindi.

Yibukije ko Kigali yubatswe kubera ubufatanye bw'abikorera, aho yatanze urugero rw'agakiriro ka Gisozi, inyubako za Chic, isoko rya Nyarugenge n'ibindi bikorwa remezo bikiri bishya mu mujyi wa Kigali.

Ku ruhande rw'abikorera, urugaga rwabo rwagaragaje ko mu gihugu hose kuri ubu hari imishinga 86 y'ishoramari abantu bagenda bakora mu matsinda bikaba bifasha mu kwihuta mu iterambere.

Muri iri huriro hatangiwemo ibiganiro ku mbogamizi n'amahirwe bigaragara mu ishoramari rifatanyijwe n'abantu benshi, politiki y'ishoramari mu Rwanda n'uruhare rw'abikorera mu kuyishyira mu bikorwa, uko ikwirakwizwa ry'amashanyarazi n'amahirwe y'ishoramari muri uru rwego rw'ingufu bihagaze, ndetse n'uburyo ishoramari rikwiriye gukurikiranwa ngo risugire.




Habimana Eric

Ishoramali rimaze gutera imbere mu Rwanda May 31, 2017 at 10:04 AM


Habimana Eric

Ishoramali rite May 31, 2017 at 10:08 AM


Tanga igitekerezo:



RSS FEED

U Rwanda na Togo basinye amasezerano y'ubufatanye mu ngendo zo mu kirere

Rwandair yatangije bwa mbere urugendo rugana mu mujyi wa Cape Town(South Africa)

Polisi y'igihugu yatangije ibikorwa ifatanya n'abaturage bizwi nka �

Sena y'u Rwanda yarebeye hamwe amategeko rusange agenga ibigo bya leta

Inzibutso za Jenoside 4 zishobora kujya ku rutonde rw'umurage w'isi

Nyuma yaho sima nyarwanda ibereye nke ibiciro by'izindi sima bikomeje kwiyo