Dr. Major Rugomwa Aimable yakatiwe igifungo cy'imyaka 10 n'ihazabu ya milioni 11

AGEZWEHO


Dr. Major Rugomwa Aimable yakatiwe igifungo cy'imyaka 10 n'ihazabu ya milioni 11

Yanditswe August, 21 2017 at 14:47 PM | 2620 Views



Urukiko rwa gisirikare rwa Nyamirambo rumaze gukatira Major Dr Aimable Rugomwa igifungo cy'imyaka 10 n'ihazabu ya milioni 11 n'ibihumbi 570 z'amafranga y'u Rwanda, ndetse akananyagwa impeta zose za gisirikare. Ni mu rubanza yari akurikiranyweho icyaha cyo gukubita no gukomeretsa yakoreye uwitwa Mbarushimana Theogene bikamuviramo urupfu.

Nk'uko biteganywa n'ingingo y'151 y'igitabo cy'amategeko ahana ibyaha mu Rwanda, urukiko rwamuhamije icyaha cyo gukubita no gukomeretsa umuntu wabigambiriye bikamuviramo urupfu. Iki cyaha kikaba gihanishwa kuva ku myaka 10 y'igifungo kugera kuri 15.

Nyuma yo kumva uko yisobanuye mu miburanire ye n'uburyo atahakanye icyaha ariko akavuga ko atari yarigeze agambirira kwica Mbarushimana Theogene, urukiko rwahanaguye kuri Major Dr Rugomwa Aimable icyaha cy'ubwicanyi yaregwaga n'ubushinjacyaha bwari bwamusabiye igifungo cya burundu.

Abo mu muryango wa Nyakwigendera Mbarushimana Theogene batangaje ko batishimiye icyemezo cy'urukiko bakaba bagiye gutegura icyo bazakurikizaho.




Ba wambere gutanga igitekerezo

Tanga igitekerezo:



RSS FEED

Inzu ziciriritse mu midugudu zigomba kugera no ku bimuwe--Min. Gen.Kabarebe