EAPCCO ivuga ko igihugu kimwe kitihagije mu kurwanya ibyaha byambukirana imipaka

AGEZWEHO


EAPCCO ivuga ko igihugu kimwe kitihagije mu kurwanya ibyaha byambukirana imipaka

Yanditswe February, 23 2017 at 13:39 PM | 548 Views



Police z'ibihugu bihuriye muri Africa y'iburusirazuba zivuga ko ubufatanye bwabo ari kimwe mu bintu bikomeye bishobora gutuma habaho guhashya ibikorwa bihungabanya umutekano muri ako karere. Iyi ngingo ikaba iri muri zimwe zirimo kuganirwaho n'abakuru b'iperereza, police ndetse nizindi nzego z'umutekano mu nama yabo yatangiye i Kigali kuri uyu wa kane.

Ibyaha by'icuruzwa ry'abantu, iterabwoba, icuruzwa ry'ibiyobyabwenge ndetse n'ibyaha bikoreshwa ikoranabuhanga ni bimwe mu byaha biri ku isonga abayobozi bakuru ba za police zihuriye mu muryango w'ibihugu 13 bihuriye mu karere k'uburasirazuba bw'Africa  EAPCCO, barimo kurebera hamwe uburyo bwo guhashya ibyo byaha.

Umuyobozi mukuru wa police y'u Rwanda Commissioner General Emmanuel Gasana yasabye ibihugu bihuriye mu muryango wa EAPCCO gushyira imbaraga mu guhangana n'ibyaha byambukirana imipaka hakoreshejwe ikoranabuhanga, "Ndashaka kubibutsa no gushimangira ko hari ibyaha byinshi bigenda biza, nkatwe abashinzwe ukirikiranwa ishyirwa mu bikorwa ry'amategeko tugomba gushyira imbaraga cyane mu kugira ibikoresho bigezweho, bishobora no gukoresha mu bukangurambaga mu kurwanya ibyaha, kubaka ibikorwa remezo by'ikoranabuhanga ndetse bigakoresha n'abakozi babugenewe bashobora guhangana n'ibi byaha bikoresha ikoranabuhanga"

Byagarutsweho ko ari ihurizo rikomeye ku gihugu kimwe kurwanya ibyaha byambukiranya imipaka akaba ariyo mpamvu ubufatanye hagati y'ibihugu bihuriye mu muryango wa EAPCCO ari kimwe mu bisubizo byo guhangana n'ibyaha byambukiranya imipaka.

Buri mwaka ibihugu bisimburana ku buyobozi bw'uyu muryango wa EAPCCO. U Rwanda  rukaba arirwo  rwahawe kuyobora uyu muryango rusimbuye Kenya kuri uyu mwanya.



Ba wambere gutanga igitekerezo

Tanga igitekerezo:



RSS FEED

Abapolisi 140 berekeje mu gihugu cya Haiti mu butumwa bw'Umuryango w'A

Polisi y'u Rwanda yasubije umunyamahanga wibwe miliyoni 13 n'umukozi w

U Rwanda na Tanzania mu bufatanye bwo gukumira ibyaha byambukiranya imipaka

Leta irasaba itangazamakuru gufasha abaturage kugira imyumvire imwe ku matora

Gatsibo: Abagabo 30 bafungiwe gucukura Gasegereti bihabanyije n'amategeko

Polisi yatangiye gushyira ibyapa byo mu muhanda ahantu hatandukanye bikenewe