FPR Inkotanyi yemeje Perezida Kagame nk'umukandida mu matora muri Kanama

AGEZWEHO


FPR Inkotanyi yemeje Perezida Kagame nk'umukandida mu matora muri Kanama

Yanditswe June, 17 2017 at 21:44 PM | 1354 Views



Umuryango FPR Inkotanyi wemeje ku buryo budasubirwaho ko Perezida wa Republika Paul Kagame ariwe uzawuhagararira mu matora y'umukuru w' igihugu yo muri Kanama 2017. 

Perezida Kagame nawe yahise aha umukoro abanyamuryango ba FPR wo gutekereza ku ihererekanya ry' ubuyobozi nyuma y' imyaka 7 iri imbere.

Inama nkuru y'umuryango FPR Inkotanyi yatoreye ku buryo budasubirwaho,Chairman w'uyu muryango akaba na Perezida wa Repubulika Paul Kagame kuba umukandida wawo mu  matora y' umukuru w'igihugu muri Kanama 2017.

Iyi nama Nkuru ya FPR niyo ya mbere ibereye mu nyubako yo ku rwego rwo hejuru, uyu muryango wujuje i Rusororo mu mu Mujyi wa Kigali. Inyubako yatashywe ku mugaragaro na chairman wa FPR akaba na Perezida w'u Rwanda Paul Kagame.

Mu ijambo rye, perezida Kagame yavuze ko atajya amanyera umwanya nk'uyu yatorewemo ahubwo awugaragaza nk'umwanya yari akwiye gushyikiriza ubuyobozi umusimbura we, ibintu ngo bitashobotse kubera amahitamo y'abanyarwanda.

Perezida Kagame yibukijeko abari bakiri bato ubwo igihugu cyabohorwaga ubu bagejeje aho nabo bafata inshingano zirimo no kuyobora igihugu ariko ko atari buri wese waba wayobora igihugu ko bisaba umuntu ubikwiriye, witeguye kurinda ibigwi byacyo kandi ntagisubize mu bihe bibi cyavuyemo.

Mu nama nkuru ya FPR abahagarariye imitwe ya politiki iri ku butegetsi mu bihugu 9 bya Afrika hamwe n'Ubushinwa bashimye cyane ibigwi by'u Rwanda. 



Ba wambere gutanga igitekerezo

Tanga igitekerezo:



RSS FEED

Perezida Kagame yitabiriye inama ku ntego z'iterambere rirambye muri Ghana

Perezida Kagame avuga ko ubukungu bushingiye ku bumenyi aribwo Afrika ikeneye

Misiri: Perezida Kagame yitabiriye inama y'ihuriro ry'ubucuruzi muri A

Perezida Kagame na Madamu bakiriye abana bato mu Rugwiro kwizihiza iminsi mikuru

Perezida Kagame na Madamu bitanije n'abaturage muri siporo rusange

Aba Perezida ba Afrika bemeje kunoza ubumwe no gufasha abimukira muri Libya