AGEZWEHO


Gabiro: Abayobozi bakuru b'igihugu bagiye guhurira mu mwiherero ku nshuro ya 14

Yanditswe February, 24 2017 at 12:41 PM | 772 Views



Ku gicamunsi cyo kuri uyu wa gatanu nibwo abayobozi batandukanye  berekeza mu kigo cya gisirikare  cya Gabiro mu karere ka Gatsibo, ahagiye kubera Umwiherero w'abayobozi ku nshuro ya 14. Ni umwihererero uzatangira ejo kuwa gatandatu tariki ya 25, ukamara iminsi itanu.

Minisitiri muri Perezidansi ya Repubulika Tugireyezu Venantie avuga ko uyu mwihererero ufite umwihariko mu buryo uzakorwamo, aho uzakorwa mu matsinda, harimo itsinda ry’ubukungu, itsinda rirebana n’imibereho y’abaturage n’itsinda rirebana n’imiyoborere, ubutabera ndetse n’uburenganzira bwa muntu muri ibyo byiciro, ku buryo ibiganiro bizatangwa muri ayo matsinda, za Minisiteri zigize ayo matsinda, buri Minisiteri ku giti cyayo igatanga ikiganiro cyayo, ibyo yagezeho n’ibyo itashoboye kugeraho ukurikije gahunda y’imyaka irindwi ya Guverinoma, ukurikije icyerekezo 2020, ukurikije gahunda y’imbaturabukungu.

Mu ntangiriro z'uku kwezi kwa kabiri, minisitiri Stella Ford MUGABO, ushinzwe ibikorwa by'inama y'abaminisitiri yari yatangaje ko ku imyanzuro y’umwiherero wa 13 w’abayobozi bakuru b’igihugu wabaye kuwa 12 ukageza kuwa 14 Werurwe 2016, imaze gushyirwa mu bikorwa ku kigero cya 75%, ariko yateganyaga ko uyu mwiherero uzaba bigeze kuri 95%.




Ba wambere gutanga igitekerezo

Tanga igitekerezo:



RSS FEED

Gatsibo: Abagabo 30 bafungiwe gucukura Gasegereti bihabanyije n'amategeko

Guhabwa service nziza ni uburenganzira bw’abanyafurika- PM Murekezi

Zambia: Perezida Kagame yakiriwe na mugenzi we Edgar Lungu

Inteko: Ingengo y'imari yari yaragenewe MINAGRI yongerewe

Perezida Kagame ari muri Zambia hagamijwe kwagura umubano w'ibihugu byombi

MININFRA igiye gukemura ikibazo cy’amazi aho WASAC itagera