Yanditswe Jul, 25 2017 16:57 PM | 5,087 Views
Umugaba mukuru w'ingabo z'Ubutaliyani zirwanira mu kirere Lt.Gen. Enzo Viecciarelli kuri uyu wa kabiri yatangiye uruzinduko rw'iminsi 3 mu Rwanda. Ni uruzinduko ubuyobozi bw'igisirikare cy'u Rwanda RDF buvuga ko ruri mu rwego rw'imibanire hagati y'ibihugu byombi ariko by'umwihariko hagati y'igisirikare.
Uruzinduko rwa Lt.Gen. Enzo Viecciarelli umugaba mukuru
w'ingabo z'Ubutaliyani zirwanira mu kirere, yarutangiriye ku cyicaro gikuru
cy'ingabo z'u Rwanda RDF ku Kimihurura, aho yakiriwe mu cyubahiro gihabwa
abayobozi bo ku rwego rukuru mu bya gisirikare, ahabwa ikaze n'umugaba mukuru
w'ingabo z'u Rwanda zirwanira mu kirere Brig. Gen. Charles KARAMBA. Yanakiriwe
kandi agirana ibiganiro n'umugaba mukuru w'ingabo z'u Rwanda Gen. Patrick
NYAMVUMBA, ndetse na Minisitiri w'ingabo Gen. James KABAREBE. Uruzinduko rwa
Lt.Gen. Enzo Viecciarelli, rurashimangira imibanire n'ubufatanye hagati
y'ibihugu by'u Rwanda n'ubutaliyani, ariko by'umwihariko mu bya gisirikare,
nkuko umuvugizi w'ingabo z'u Rwanda Brig. Gen. Ferdinard SAFARI abisobanura.
Igisirikare cy'Ubutaliyani kandi, ngo ni kimwe mu bifite ingabo zirwanira mu kirere zateye imbere, ibintu umuvugizi w'ingabo z'u Rwanda Brig. Gen. Ferdinard SAFARI yemeza ko biri mubituma impande zombi zikomeza ubufatanye, yagize ati, "Twafatanyije mu bintu byinshi bitandukanye ariko ubu noneho turangirango dufatanye no mu rwego rw'ingabo zirwanira mu kirere. Ingabo zirwanira mu kirere cyane cyane Ubutaliyani bwateye imbere ngirango mujya mu bibona no mu bindi bihugu hose aho bajya nko mu bihugu bya Afghanistan na Iraq, ni igihugu cyimaze gutera imbere mu buryo bw'ingabo zirwanira mu kirere. Urwo rugero rero nirwo tugira ngo dukurikirane turebe ko twafatanya mu buryo bwihariye."
Mu ruzinduko rwe mu Rwanda, umugaba mukuru w'ingabo z'Ubutaliyani zirwanira mu kirere Lt.Gen. Enzo Viecciarelli, yanasuye urwibutso rwa jenoside yakorewe abatutsi rwa Kigali, ruri ku Gisozi., anagere hirya no hino mu gihugu, mu rwego rwo kurushaho kumenya u Rwanda n'imiterere yarwo.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru