Igifungo cya burundu y'umwihariko kigiye kuvanwa mu mategeko y'u Rwanda

AGEZWEHO


Igifungo cya burundu y'umwihariko kigiye kuvanwa mu mategeko y'u Rwanda

Yanditswe October, 18 2017 at 11:23 AM | 2179 Views



Inteko ishinga amategeko irimo gusuzuma umushinga w'itegeko riteganya ibyaha n'ibihano muri rusange. Ni umushinga w'itegeko rigizwe n'ingingo zigera kuri 361, rikaba rigamije gusimbura itegeko ngenga rishyiraho igitabo cy'amategeko ahana mu Rwanda ryo ryari risanzwe rifite ingingo 766, ryakuweho n'itegeko nshinga rya Repubulika y'u Rwanda ryo muri 2003, ryavuguruwe muri 2015.

Umunyamabanga wa leta muri ministeri y'ubutabera, Evode Uwizeyimana yasobanuye ko itegeko rishya rizaba riteganya ibyaha n'ibihano muri rusange, naho amategeko yihariye nayo ateganye ibihano ku giti cyayo.

Muri rusange ibihano byarongerewe ku byaha byo gucuruza abantu, ibiyobyabwenge no kunyereza umutungo wa leta, mu rwego rwo guca intege ababikora no kugira ngo biranduke burundu. Ku rundi ruhande hari n'ibihano byakuweho, nk'icy'igifungo cya burundu y'umwihariko, kuko gifatwa nk'ikibangamira uburenganzira bwa muntu.

Icyaha cy'ubushoreke na cyo cyakuriweho ibihano, mu gihe ubutaryozwa icyaha ku gukuramo inda uburyo bizajya bikorwa bizateganywa n'iteka rya minisitiri ufite ubuzima mu nshingano. Umunyamabanga wa leta muri ministeri y'ubutabera Evode Uwizeyimana yanavuze ko ibyaha byoroheje bizajya bihabwa ibihano nsimburagifungo, kugira ngo abantu bagororwe kurenza guhanwa, ariko hanagabanywa umubare w'imfungwa. 



Ba wambere gutanga igitekerezo

Tanga igitekerezo:



RSS FEED

Ibigo bya Isange One-Stop Center bikwiye gushyirwa mu bigo nderabuzima--Sena

Abadepite bo muri Burkina Faso bari mu Rwanda kwiga ku miyoborere n'uburing

Abadepite bo muri Afurika y'Epfo bari mu Rwanda mu rugendoshuli

Inteko ishinga amategeko yamaganiye kure raporo ya Human Right Watch ku Rwanda

Huye: Perezida wa Sena yatashye umudugudu w' ikitegererezo uzatuzwa imiryan

Itsinda ry'abadepite muri Namibia basuye inteko y'u Rwanda