Perezida Paul Kagame yakiriye impapuro z'aba ambasaderi 6 bashyashya

Aba-ambasaderi bashya 6 nibo bashyikirije Perezida wa Repubulika Pau Kagame impapuro zibemerera guhagararira ibihugu byabo mu Rwanda. Muri rusange bemeza ko umubano w’U Rwanda n’ibihugu byabo uhagaze neza kandi biteguye kuwunoza hagendewe kubufatanya mu nzego zitandukanye.

Uwabimburiye abandi kwakirwa n’umukuru w’igihugu ni ambasaderi mushya wa Maroc mu Rwanda Yousef Imani akaba afite icyicaro I Kigali.

Auga ko inshingano y’ibanze afite ari ugushyira mubikorwa amasezerano u Rwanda na Maroc biherutse gusinnyira I Kigali ubwo u mwami wa Maroc Mohammed wa VI yasuraga u Rwanda mu mpera z’u mwaka ushize.

Undi ni Theresia Samaria uhagarariye Namibia mu Rwanda akaba afite icyicaro I Dar es salaam,we yemeza ko ibihugu bihuriye kuri byinshi bityo ngo we agiye guharanira guteza imbere ubuhahirane hagati y’ibihugu byombi.

Jenny Ohlsson  uhagarariye Suede mu Rwanda akaba anafite icyicaro i Kigali yatangaje  ko igihugu cye  gisanzwe gifitanye ubufatanye  n'u  Rwanda  mu bijyanye n'iterambere, ariko kuri ubu bakaba banifuza kugira ubufatanye mu bijyanye n'ishoramari ndetse na politike.

Abdullah Mohammed Abdullah  Al-Takkawi ni ambasaderi mushya wa leta zunze ubumwe z'abarabu akaba afite icyicaro  I Kampala ,yatangaje ko kubera ingamba zihamye z’u Rwanda mukurwanya ruswa igihugu kibona ko u Rwanda ari ahantu heza ho gushora imali.

Inkuru irambuye mu mashusho: