Harvard: Perezida Kagame yatanze ikiganiro mu isomo rijyanye n'ubukungu

AGEZWEHO


Harvard: Perezida Kagame yatanze ikiganiro mu isomo rijyanye n'ubukungu

Yanditswe March, 10 2017 at 18:44 PM | 876 Views



Perezida wa Repubulika Paul Kagame ari muri Leta zunze za Amerika aho yatanze ikiganiro mu ishuli ryigisha ubucuruzi rya Kaminuza ya Harvard. Hari mu isomo rijyanye n'ubukungu buciriritse n'ihiganwa cyangwa microeconomics of competitiveness aho yasobanuye intambwe u Rwanda rwateye muri uru rwego.

Perezida Kagame yabwiye abanyeshuli ko u Rwanda rwatangiriye ku gusobanukirwa n'uko abanyarwanda ubwabo ari bo bazikorera akazi ko kubaka igihugu cyabo.Yagize ati "Iyo igihugu cyubakwa n'undi muntu byari kuzasenyuka". yavuze ko icy'ingenzi kwari ukubanza kumvisha abanyarwanda ko ari bo bagomba kuba ku isonga mu gutuma igihugu kigira aho cyerekeza.

Perezida Kagame kandi aratanga ikindi kiganiro mu masaha y'igicuku, kiribanda ku buryo impinduka mu ikoranabuhanga no mu miyoborere zatumye ibihugu byinshi bigera ku mibereho myiza y’abaturage ariko bimwe bikaba byarasigaye inyuma.

Ni ikiganiro gitangirwa mu kigo cy’iterambere mpuzamahanga cya Kaminuza ya Harvard. Kiritabirwa n’abanyeshuri, abarimu n’impuguke mu nzego zitandukanye. Iyi kaminuza igaragaza ko ari ikiganiro kirayoborwa na Lant Pritchett, umwarimu wigisha ibijyanye n'ishyirwa mu bikorwa rya gahunda z’iterambere mpuzamahanga.

Si ubwa mbere Perezida Kagame atanga ikiganiro muri Kaminuza ya Harvard, kuko no mu mwaka ushize wa 2016 yatanzemo ikiganiro, aho yagaragaje ko iterambere ahanini rishingiye ku guhindura imyumvire kurusha kuri gahunda za Leta n’inkunga.




Ba wambere gutanga igitekerezo

Tanga igitekerezo:



RSS FEED

U Rwanda na Togo basinye amasezerano y'ubufatanye mu ngendo zo mu kirere

Rwandair yatangije bwa mbere urugendo rugana mu mujyi wa Cape Town(South Africa)

Polisi y'igihugu yatangije ibikorwa ifatanya n'abaturage bizwi nka �

Sena y'u Rwanda yarebeye hamwe amategeko rusange agenga ibigo bya leta

Inzibutso za Jenoside 4 zishobora kujya ku rutonde rw'umurage w'isi

Nyuma yaho sima nyarwanda ibereye nke ibiciro by'izindi sima bikomeje kwiyo

RTV SCHEDULE