Ikizamini cyo kubona urushushya rwo gukora nk'abanyamwuga cyatsinze benshi

AGEZWEHO


Ikizamini cyo kubona urushushya rwo gukora nk'abanyamwuga cyatsinze benshi

Yanditswe June, 15 2017 at 19:17 PM | 2251 Views



Inama  y’igihugu y’abaforomokazi abaforomo n’ababyaza yatanze ikizamini kubashaka kuba abaforomo n’ababyaza b’umwuga hatsinda mbarwa. Bamwe mu baforomokazi, abaforomo n’ababyaza ntibumva uburyo batsinzwe mu gihe bakoraga ikizamini kibahesha uruhushya rwo gukora nk’abanyamwuga gitangwa n’inama y’igihugu y’abaforomokazi, abaforomo n’ababyaza.

Mu cyumweru gishize nibyo inama y’igihugu y’abaforomokazi, abaforomo n’ababyaza yasohoye amanota y’abakoze ibizimini bibahesha uruhushya rwo gukora nk’abaforomo n’ababyaza babanyamwuga bafite impamyabumenyi y’ikiciro cya 1 cya kaminuza aricyo A1. Mu banyeshuri 1231 bakoze iki kizamini 171 nibo bagitsinze bonyine nkuko bigaragara. Abaforomo n’ababyaza basanzwe bakora uyu mwuga bavuga ko intandaro yo gutsindwa kwabo ishobora kuba yaravuye ku bizaminini bikomeye bakoze bitajyenye n'urwego bariho.

Aba baforomokazi bavuga ko basanzwe bakora akazi neza ariko bakayoberwa impamvu bigera ku bizamini bagatsindwa kandi bafite uburambe mu kazi.

Umwanditsi mukuru w'inama y'igihugu y'abaforomokazi, abaforomo n'ababyaza Julie Kimonyo avuga ko ibizamini aba banyeshyuri bakoze byaturutse ku mu ntegenyanyigisho ziri ku rwego rwabo. Yagize ati, "Noneho ntawuvuga ngo twe twize aha n'aha ngo ntitugomba gukora ikizamini kimeze gutya, ntabwo umurwayi azatoranya ngo wowe wize aha naha niwowe umvura. Abarwayi ntibatoranya n'uburwayi ntibutoranya ni ukuvuga ko bagomba kuba bafite ubumenyi n'ubushobozi bihagije bitatuma batahungabanya ubuzima bwabo. .Ibyo bizamini rero biratangwa kandi biba byaravuye muri curcurum zabo kandi ibyo bizamini dutanga ni ibijyanye n'ibyo bazakora muri pratique"

Inama y’igihugu y’abaforomokazi, abaforomo n’ababyaza ivuga ko gutsindwa kwaba banyeshyuri bakoze ibizamini byatewe n’impamvu zitandukanye zirimo kuba hari benshi bakoze ibizamini badafite ubumenyi bwibanze ku buzima bakabaye baravanye mu mashuri yisumbuye.

Mu banyeshyuri 1231 bakoze ikizamini 917 muri bo ni abakoze ikizamini nk'abakandida bigenga. Muri abo bakandida bigenga hatsinze abatarenze 20 gusa nibo batsinze. Julie Kimonyo umwanditsi mukuru w'inama y'igihugu y'abaforomo n'ababyaza avuga ko hadakwiye kubaho kugenjeka mu gutoranya abazajya bita ku buzima bw'abantu.

Kugeza ubu inama y’igihugu y’abaforomokazi, abaforomo n’ababyaza itangaza ko umwaka utaha wa 2018 abazajya bakora ibizamini bazajya baba baturutse mu mashuri yigisha ubuganga mu buryo bwemewe n’amategeko kandi bujuje ibyangombwa bibemerera kuba mu rwego rw’ubuzima.




Kubwimana Claude

Ibi bizamini ,simpamya ko banabikosora kuko iyo ugiye kubaza Amanota barakubwira ngo ntibajya berekana Impapuro ,ubwo se ni gute washaka gukora reclamation ntibakwereke impapuro wakoreyeho. June 15, 2017 at 19:38 PM


Kubwimana Claude

Ibi bizamini ,simpamya ko banabikosora kuko iyo ugiye kubaza Amanota barakubwira ngo ntibajya berekana Impapuro ,ubwo se ni gute washaka gukora reclamation ntibakwereke impapuro wakoreyeho. June 15, 2017 at 19:39 PM


Kubwimana Claude

None wabona ikizamini ngo kitagira isaha gutangira? ????,njye naragikoze 2016 mu kwezi kwa Munani ,abantu bakore ye Butare batangiye ikizamini saa yine, abakoreye kabgayi bagitangiye saa mbiri abakoreye INES RUHENGERI bagitangiye saa saba twese twarangije ubwo murumva ari ikizamini, abaforomo dufashwe nabi pe, muzatemberere mu ntara tubabwire akababaro kacu ahubwo June 16, 2017 at 04:06 AM


Kalisa Pludence

Yewe ibanga ryo gutsindwa kwaba baforomo twararivumbuye! iyo nama y'igihugu y'abaforomokazi abaforomo n'ababyaza ntijya ikosora impapuro z'ibizamini baba bakoze kuberako muri local usanga baba batubwira ngo ibyo twawiga byose ngo ntitwahatambuka ngo kubera ko twize hanze y'u Rwanda . mbese ubona ari nkivangura biberamo gusa ! none se ahantu ujya kureclama bakakwima impapuro wakoreyeho ubwo urumva baba barazikosoye bakanga kuzikwereka ? August 11, 2017 at 12:37 PM


Tanga igitekerezo:



RSS FEED