Inama ku mihandagurikire y'ikirere yiswe COP22 yakomereje muri Maroc

I Marrakech muri Maroc hatangiye inama ya 22 yiga ku mihindagurikire y’ibihe, yiswe COP22, ihuje abafite aho bahuriye n’ibidukikije, bigira hamwe icyakorwa n’inzego zitandukanye hagamijwe gushyiraho ingamba zo kurwanya imihindagurikire y’ibihe.

Iyi nama izageza ku itariki ya 18, izanitabirwa n'abayobozi batandukanye bo hirya no hino ku isi barimo abakuru b'ibihugu. Ikinyamakuru Jeuneafrique cyanditse ko ku mugabane wa Afrika, abakuru b'ibihugu bagera muri 26 bamaze kwemeza kwitabira iyo nama.

Muri bo harimo na perezida w'u Rwanda Paul Kagame. U Rwanda rusobanura ko muri iyi nama ruzibanda ku ruhare rwarwo mu kubahiriza amasezerano ya Paris no kugera ku ntego rwiyemeje.

Ikindi ngo ni uko ibihugu byinshi bishyira imbere ingamba zo kwita ku mihindagurikire y’ibihe kandi inkunga yemerewe ibihugu ngo bishyire mu bikorwa amasezerano ya Paris n’aya Kigali ku mihindagurikire y'ibihe ikaboneka.