Indwara y'umunaniro no guhangayika zifata benshi mu bakozi mu Rwanda

AGEZWEHO


Indwara y'umunaniro no guhangayika zifata benshi mu bakozi mu Rwanda

Yanditswe October, 10 2017 at 19:45 PM | 4700 Views



U Rwanda rwifatanije n' ibindi bihugu byizihije umunsi mpuzamahanga wahariwe kwita ku buzima bwo mu mutwe, abakora mu birebana n' ubuzima bwo mu mutwe bavuga ko abakoresha bashobora  gufasha abakozi kugira ubuzima bwiza bwo mu mutwe, bagabanya stress abakozi bagira mu kazi.

Ministeri y' ubuzima yahurije hamwe abashinzwe abakozi mu bigo bya Leta no mu nzego z' abikorera baganira ku birebana nuko umukozi yakora akazi ke neza  bidahungabanije umuzima bwe bwo mu mutwe. Dr. Jean Damascene avuga ko ubushakashatsi bwagaragaje isano iri hagati ya stress umuntu ahura nayo mu kazi, no kwangirika  k' ubuzima bwe bwo mu mutwe. Yagize ati, "Iyo umukozi afite ikibazo cyo mu mutwe ntigishakirwe umuti, agira indwara zo mu mutwe. Izo ndwara nazo ziba zisaba ko yivuza kugirango atagira ubumuga bwo mu mutwe. Harimo abo biviramo guta akazi, abandi bakajya mu mihanda, abandi mu biyobyabwenge. Hari abandi biyahura kandi ntacyo bari babuze, bahembwaga. Niba umukozi afite ikibazo cyo mu mutwe cyangwa ikindi cy' ubuzima agomba kukiganiraho n'umukoresha  kugirango umukozi ntiyice akazi cyangwa ngo bimuviremo urupfu cyangwa kwiyahura."

Bamwe ma bashinzwe abakozi mu  bigo bavuga ko bagerageza korohereza abakozi kugirango bakore akazi kabo batekanye. Ministeri y' abakozi ba Leta n' umurimo yo ivuga ko ab akozi bagomba gukora akazi kabo neza ariko banazirikana ko kuruhuka ari uburenganzira bwabo.

Ministeri y'ubuzima  ivuga ko, umuntu 1 mu bakozi 5 iyo ari mu kazi  agira ibibazo bijyanye n' ubuzima bwo mu mutwe. Abagera ku 10% ngo bareka akazi bitewe no kugira agahinda gakabije , naho abagera kuri 50% mu bafite iki kibazo ntibivuza neza uko bikwiye. Ubushakashatsi  kandi ngo bwagaragaje ko Depression iri ku kigero cya 40% mu gihe Stress yo iri ku kigero cya 80%.



Ba wambere gutanga igitekerezo

Tanga igitekerezo:



RSS FEED

Ministeri y'ubuzima yatangije uburyo bushya bwo kwipimisha Sida nta muganga

Ubukangurambaga ku kurwanya itabi bugiye kongerwa n'umujyi wa Kigali

Amaso yaheze mu kirere ku baturage bategereje urundi rukingo rwa Hepatite B

MINISANTE yatangiye igikorwa cyo gupima abakozi ba leta indwara zitandura

Gahunda yo gutera imiti yica imibu mu ngo 85873 mu karere ka Kirehe yaratangiye

Imibare y'abana bapfa bari munsi y'imyaka 5 iracyari hejuru mu Rwanda