Ingabo 165 zizerekeza muri Sudani y'amajyepfo mu butumwa bw'amahoro

Ingabo z’u Rwanda zitegura kwerekeza i Juba muri Sudani y’amajyepfo mu butumwa bw’amahoro bw’umuryango w’abibumbye, zirasabwa kubumbatira indangagaciro n’umutima wo gukunda igihugu no gufatanya bahesha ishema u Rwanda mu kazi kabo ka buri munsi.

Ingabo 165 zirimo n’abapilote b’indege, abatekinisiye n’abandi, bazahaguruka i Kigali ku itariki ya 31 z’uku kwezi bayobowe na Lt Col Innocent Munyengango, bakazamara umwaka wose muri ubwo butumwa.

Umugaba w’ingabo zirwanira mu Kirere Brig. Gen. Charles Karamba, avuga ko izo ngabo zigmba gushimangira indangagaciro z’igisirikare cy’u Rwanda n’iz’igihugu muri rusange.

Izi ngabo zirwanira mu kirere zifite inshingano zo gutwara abakozi b’umuryango w’abibumbye n’imizigo yabo, gushaka amakuru bakoresheje indege zabugenewe, gukora ibikorwa by’ubutabazi n’ibindi.