Ingabo zihuriye mu muryango wa ACIRC zasoje imyitozo ya gisirikare i Gako

Ingabo zihuriye mu muryango w'ibihugu bihora byiteguye gutabara aho rukomeye ku mugabane wa Africa (ACIRC) zashoje imyitozo ya gisirikare zari zimazemo iminsi 10 i Gako, izi ngabo zivuga ko zihavanye impamba ihagije izazifasha mu mirimo zizashingwa.

Umugaba mukuru w'ingabo z'u Rwanda yavuze ko umugabane wa Africa ukomeje kugaragaraho amakimbirane, intambara biterwa n'udutsiko ahanini tuba tugamije itarabwoba aha akaba ariho yahereye asaba ingabo zishoje amahugurwa kuzashyira mu bikorwa amasomo bahawe batabara abaturage bari mu kaga.

Iyi myitozo yitabiriwe n'ibihugu 9 mu gihe uyu muryango w'ibihugu bihora byiteguye gutabara aho rukomeye urimo ibihugu 13 byo ku mugabane wa Africa. Bam Sivuyile umuyobozi ushinzwe ibikorwa byo kugarura amahoro mu muryango wa Africa yunze ubumwe avuga ko amahugurwa nk'aya agamije kubaka ubushobozi bw'ingabo za Africa kugirango Africa izajye yicyemurira ibibazo byayo.