AGEZWEHO


Inteko yagejejweho raporo isobanura ibikorwa na gahunda bya CNLG

Yanditswe March, 14 2017 at 19:09 PM | 475 Views



Mu gihe u Rwanda rwitegura kwibuka  ku nshuro ya 23 Jenoside yakorewe Abatutsi, Intumwa za rubanda ziravuga ko bibabaje kuba hakiri abana bivugwa ko barokotse iyo Jenoside  nyamara umwirondoro wabo ukaba utaramenyekana neza.

Depite Manirarora Annoncée akomoza kuri bimwe muri ibyo bibazo ariko agatinda ku cy'abana bivugwa ko barokotse Jenoside nyamara umwirondoro wabo ukaba utaramenyekana n'ubwo ngo bamaze kuba bakuru.

Mu bindi bibazo byatinzweho ubwo Komisiyo y'Ubumwe bw'Abanyarwanda, uburenganzira bwa muntu mu nteko ishinga amategeko  yagezaga ku nteko rusange y'abadepite raporo yakoze nyuma yo gusesengura raporo y'ibikorwa bya Komisiyo y'igihugu yo kurwanya Jenoside mu mwaka wa 2015/2016, harimo icyo imitungo y'abarokotse Jenoside yigaruriwe n'abaturanyi babo cyangwa abo mu miryango yabo.

Ikibazo cy'abakatiwe n'inkiko cyane cyane iza gacaca batarafungwa hamwe n'abatarakora igihano cya TIG bakatiwe nyuma yo kwemera uruhare bagize muri Jenoside nacyo cyagaragajwe n'abadepite nk'icya kagombye kuba cyaravuye mu nzira.

Inteko rusange y'abadepite yemeje raporo ya Komisiyo y'ubumwe bw'abanyarwanda mu gihe hakinononsorwa imyanzuro irimo no gusaba guverinoma kongerera Komisiyo y'igihugu yo kurwanya Jenoside ingengo y'imari ngo yite ku bikorwa birimo gushyingura mu buryo bw'ikoranabunganga inyandiko za gacaca no kubungabunga ibimenyetso bya Jenoside.



Ba wambere gutanga igitekerezo

Tanga igitekerezo:



RSS FEED

CNLG yatangiye gahunda yo kubika imyambaro y'abiciwe muri Kiriziya ya Nyama

CNLG irateganya gushyira inyandiko zose za Gacaca mu buro bw'ikoranabuhanga

Abiciwe abantu muri Jenoside batanze imbabazi kumugaragaro ababibakoreye