Inteko yatoreye umushinga w'itegeko rigenga amasosiyete y'ubucuruzi

AGEZWEHO


Inteko yatoreye umushinga w'itegeko rigenga amasosiyete y'ubucuruzi

Yanditswe May, 25 2017 at 18:45 PM | 1887 Views



Inteko ishinga amategeko yatoreye kwemeza umushinga w'itegeko rigenga amasosiyete y'ubucuruzi. Ni itegeko rishya ubuyobozi bw'ikigo cy'igihugu cy'iterambere RDB kivuga ko rijyanye n'imiterere y'ubucuruzi mu Rwanda kuko biziba icyuho cyashyirwagaho n'andi mategeko yakozwe harebewe ku bindi bihugu byateye imbere.

Ishingiro ry'umushinga w'iri tegeko rigenga amasosiyete y'ubucuruzi ryari ryemejwe n'inteko ku itariki 8 gicurasi uyu mwaka wa 2017. Kuri uyu wa kane rero abadepite batoye ku bwinshi umushinga ingingo zigize iri tegeko nyuma yo kunononsora no kuzinoza. Clare Akamanzi uyobora RDB akaba n'umwe mu bagize inama y'abaminisitiri yavuze ko hari hasanzwe icyuho mu itegeko rigenga amasosiyete y'ubucuruzi mu Rwanda kigiye kuzibwa n'itegeko rishya.

Mu kiganiro na RBA, Hon. Bazatoha Shyaka Adolphe umudepite akaba n'umuyobozi wa komisiyo y'ubukungu n'ubucuruzi mu nteko ishinga amategeko yavuze ko by'umwihariko iri tegeko rije rihumuriza rigaha n'ijambo abafite imigabane mike mu ma sosiyete atandukanye y'ubucuruzi dore ko batari bafite n'uburenganzira bwo kubona amakuru y'imikorere yayo bakaba batanabashaga kuba bahamagaza inama.

U Rwanda ruri ku mwanya wa kabiri muri Afrika mu korohereza ubucuruzi n'ishoramari nkuko banki y'isi ibigaragaza mu cyegeranyo cyayo cyiswe Doing Business Report. 




Ba wambere gutanga igitekerezo

Tanga igitekerezo:



RSS FEED

Perezida Kagame yatashye Ingoro Ndangamurage y'Urugamba rwo Guhagarika Jeno

Ministre mushya w'ikoranabuhanga n'itumanaho n'uw'uburezi ba

Ministre w'intebe Ngirente yagaragarije inteko gahunda ya guverinoma mu bur

Abariganya serivise zishyurwa ariko zitagaruzwa bagiye gufatirwa ibyemezo

Itsinda ry'abadepite muri Turkiya basuye inteko ishinga amategeko y'u

Inteko yagize ikiganiro nyunguranabitekerezo ku mirasire yangiza