Yanditswe May, 04 2017 15:30 PM | 2,550 Views
Abadepite batoye umushinga w'itegeko rishyiraho urukiko rw’ubujurire nk'uko biteganywa muri iri tegeko, urukiko rw’ubujurire ruzafasha kurangiza ibirarane by'imanza bisaga 1,200 byari mu rukiko rw'ikirenga, rwasigaranye gusa ububasha bwo kuburanisha imanza za politike no gutanga imirongo migari mu nkiko.
Inteko rusange y’umutwe w’abadepite yabanje kugaragarizwa raporo yakozwe na komisiyo ya politike n'uburinganire kuri uyu mushinga w'itegeko rigena imitunganyirize n'imikorere y'ubutegetsi bw'ubucamanza mu Rwanda nayo ibanza gutorwa ku gipimo cya 94.1%. Ingingo 84 zigize iri tegeko zatowe n'abadepite bari bitabiriye inteko rusange nyuma yo gusaba ko hari ingingo zimwe zakorerwa ubugorarangingo.
Umunyamabanga wa leta muri ministeri y'ubutabera ushinzwe ivugururwa ry'amategeko Evode Uwizeyimana avuga ko muri uyu mushinga hagaragaramo ingingo nyinshi zirimo ishyirwaho ry'urukiko rw'ubujurire rwitezweho kurangiza imanza z'ibirarane ziri mu rukiko rw'ikirenga.
Urukiko rw'ubujurire rugiye kujyaho kandi ntiruzajya rugenzurwa n'urwego rw'ubucamanza nk'uko bisanzwe mu zindi nkiko. Abacamanza barwo bazajya bashyirwaho na prezida wa republika mu gihe abasanzwe bashyirwaho n'inama nkuru y'ubucamanza.
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru