Iterambere ry'umuryango ni inkingi ikomeye y'iterambere--Hon. Mukabalisa

AGEZWEHO


Iterambere ry'umuryango ni inkingi ikomeye y'iterambere--Hon. Mukabalisa

Yanditswe December, 20 2016 at 17:48 PM | 641 Views



Itegeko nshinga ry'u Rwanda rivuga ko umuryango ariwo shingiro kamere y'imbaga y'abanyarwanda bityo amategeko akaba agomba kuwurengera. Mu mvugo yumvikanisha gusigasira umuryango nyarwanda no kuwurinda ibyawuhungabanya. 

Abagize ihuriro ry'abagize inteko ishinga amateko baharanira imibereho myiza n'iterambere biyemeje gutanga umusanzu wabo mu kubunga bunga umuryango. Abagize iri huriro babitangaje ubwo bari bamaze kwemeza amategeko agenga iri huriro.

Mu bibazo by' ingutu bavuga ko ari inkomyi ku iterambere ry'umuryango n'iry'igihugu muri rusange harimo ubwiyongere bw'abaturage butajyanye n'umusaruro.

Ikibazo cy'abana batwara inda bakiri bato hamwe na zimwe mu  ngaruka z'iterambere ku muryango ni bimwe mu byo abagize Inteko ishinga amategeko baharanira Imibereho myiza n'iterambere bagaragaza nk' ibi ku isonga mu byo bagomba gukorera ubuvugizi no gukoraho ubukangurambaga nkuko bitangazwa na Depite Mukabino Henriette hamwe na Senateri Mushinzimana Appolinnaire.

Perezida w'umutwe w'abadepite Mukabalisa Donatille yashimye umusanzu waryo mu gushakira umuti ibibazo bitandukanye hagamijwe kwihutisha iterambere ry'abaturage abizeza ubufatanya bw'Inteko ishinga amategeko.

Ihuriro ry'abagize Inteko ishinga amategeko abaharanira Imibereho myiza n'iterambere RPRPD rimaze imyaka 13 rikaba rigizwe n'abadepite n'abasenateri barenga 75% by'abagize imitwe yombi y'inteko ishinga amategeko.




Ba wambere gutanga igitekerezo

Tanga igitekerezo:



RSS FEED

Ibigo bya Isange One-Stop Center bikwiye gushyirwa mu bigo nderabuzima--Sena

Abadepite bo muri Burkina Faso bari mu Rwanda kwiga ku miyoborere n'uburing

Abadepite bo muri Afurika y'Epfo bari mu Rwanda mu rugendoshuli

Inteko ishinga amategeko yamaganiye kure raporo ya Human Right Watch ku Rwanda

Igifungo cya burundu y'umwihariko kigiye kuvanwa mu mategeko y'u Rwand

Huye: Perezida wa Sena yatashye umudugudu w' ikitegererezo uzatuzwa imiryan