Itorero Indemyabigwi ryari rimaze iminsi 7 ryasojwe

AGEZWEHO


Itorero Indemyabigwi ryari rimaze iminsi 7 ryasojwe

Yanditswe January, 12 2017 at 12:07 PM | 1201 Views



Itorero Indemyabigwi ry'abarimu ryaberaga hirya no hino mu gihugu kuva tariki 5 kugeza kuya 12 Mutarama ryasojwe kuri uyu wa kane. Ni abarezi ibihumbi 54, 895 bigisha mu mashuri y'incuke, abanza, ayisumbuye n'ay'imyuga n'ubumenyi ngiro.

Ni itorero ryari rifite insanganyamatsiko igira iti: Uruhare rw'uburezi mu kubaka u Rwanda twifuza, abarisoje bakaba batangaza ko ari intore ziteguye gutumwa ku rugerero kwesa imihigo irimo kurera neza abana b'u Rwanda. Kwigisha amateka, umuco n'indangagaciro, gupima ubuzima bwabo, kurwanya ruswa, amakimbirane, gukunda umurimo no kuwunoza, kurinda abana guta amashuri n'ibindi.

Kubungabunga ubumwe bw'abanyarwanda, barwanya jenoside n'ingengabitekerezo yayo, gutoza abana umuco wo kwigira no kwihesha agaciro.

Minisitiri w'intebe Anastase Murekezi mu butumwa bwe yagarutse kuri statut yihariye y'abarimu irimo no kunoza umushahara wabo, asaba abo bireba gukurikirana ko ishyirwa mu bikorwa uko bikwiye.

Perezida wa komisiyo y'igihugu y'itorero, Rucagu Boniface, yabibukije ko abo bagiye gutoza ari abana b'igihugu bakwiye kuba intore zibereye u Rwanda. Yashimye imyitwarire yaranze aba barezi mu gihugu cyose.

Itorero rya 1 ry'abarezi ryabaye mu mwaka wa 2008, minisitiri w'uburezi Dr Papias Musafiri Malimba akaba avuga ko gutoza ari uguhozaho kandi haba hari ibikeneye guhuzwa.

Yongeyeho ko intego igihugu cyihaye ni ugushyira abana bose mu mashuli kdi bakayarangiza ntawe ucikirije icyiciro na kimwe.




Ba wambere gutanga igitekerezo

Tanga igitekerezo:



RSS FEED

Sena y'u Rwanda yarebeye hamwe amategeko rusange agenga ibigo bya leta

Inzibutso za Jenoside 4 zishobora kujya ku rutonde rw'umurage w'isi

Nyuma yaho sima nyarwanda ibereye nke ibiciro by'izindi sima bikomeje kwiyo

Perezida Mnangagwa avuga ko ubumwe buzoroshya amasezerano y'isoko rya Afrik

Perezida wa CAF Ahmad Ahmad yasuye u Rwibutso rwa Jenoside yakorewe Abatutsi

Kigali: Abadiplomate barenze ku mategeko bagatabara Abayahudi bicwaga bazibukwa