Itorero indangamirwa ry'urubyiruko rwiga mu Rwanda no hanze rirasozwa

Kuri uyu wa kabiri biteganijwe ko hasozwa itorero ry'Indangamirwa ry'abanyeshuri biga ndetse n'abazajya kwiga mu mahanga.

Ni igikorwa kiri bubere mu kigo cy’imyitozo ya gisirikari cya Gabiro mu Karere ka Gatsibo, mu ntara y'uburasirazuba.

Abanyeshuri barenga 430 nibo bitabiriye Itorero ry’Igihugu ry'Indangamirwa ku nshuro ya cyenda.

Aba banyeshuri barimo kandi abanyarwanda biga mu mahanga n’abandi baturutse mu turere twose tw’igihugu bagize amanota meza mu bizamini bisoza umwaka w’amashuri yisumbuye wa 2015.

Bamaze ibyumweru bigera kuri bitatu i Gabiro mu kigo cya gisirikare [Combat Training Center] bigishwa amasomo mboneragihugu, banahabwa andi masomo abasobanurira icyerekezo cy’igihugu.