Jeannette Kagame yahuye n'abana b'imfubyi 300 muri gahunda ya Mentorship

Madamu wa Perezida wa repubulika Jeannette Kagame avuga ko abana b'abakobwa bagizwe imfubyi na Jenoside yakorewe abatutsi bagomba kugira abo bafatiraho urugero kugirango bazatere ikirenge mu cyabo cyangwa banabarenzeho. Ibi yabigarutseho ubwo yahuraga n'abana b'abakobwa b'imfubyi bari kumwe n'ababyeyi bareberaho nk'imwe muri gahunda yatangijwe na IMBUTO Foundation abereye umuyobozi w'ikirenga.

Ni ku nshuro ya mbere abana b'abakobwa babaye imfubyi za jenoside bakiri bato bagera kuri 300 bahurizwa hamwe n'abo bafata nk'icyitegererezo kuri bo muri gahunda yiswe Mentroship mu rurimi rw'icyongereza.