Kicukiro: Abagore 108 batwite n'abana bato bahawe ifu y'igikoma

AGEZWEHO


Kicukiro: Abagore 108 batwite n'abana bato bahawe ifu y'igikoma

Yanditswe February, 27 2017 at 16:35 PM | 761 Views



Abana bari munsi y'imyaka 2 n'abagore batwite bagera ku 108 bo mu miryango ibarirwa mu cyiciro cya mbere cy' ubudehe batangiye guhabwa ifu y’igikoma ikungahaye ku ntungamubiri.

Iki gikorwa kiri muri gahunda ya Ministeri y'ubuzima yiswe Shisha Kibondo, gahunda  igamije kurwanya imirire mibi, izakorwa hirya no hino mu gihugu.

Ababyeyi bo mu karere ka Kicukiro bishimiye ko ije kubafasha mu birebana n'imirire  kuko baburaga igikoma baha abana, bitewe n'amikoro make.

Iyi gahunda ije mu gihe abajyanama b'ubuzima hirya no hino mu midugudu bemeza ko bagenda bahura n' abana bafite ikibazo cy' imirire mibi.

Ubuyobozi bw'akarere ka Kicukiro buvuga ko ubushakashatsi buherutse gukorwa bwagaragaje ko 17% by' abana bari munsi y' imyaka 5 bafite ikibazo cy' imirire mibi. 

Ifu ihabwa abana n' ababyeyi muri gahunda ya Shisha  Kibondo, igizwe n' ibigori, soya, amata ndetse n'isukari. Ababyeyi bigishijwe uburyo bazajya bategura igikoma  kugirango bifashe umwana mu birebana n'imikurire ye.




Ba wambere gutanga igitekerezo

Tanga igitekerezo:



RSS FEED

Abafite uburwayi bw'ingingo barasabwa kwivuza kare ngo batazaremara burundu

Dr.Tedros Adhanom uyobora WHO yaje kureba aho ibikorwa bya SDGs bigeze mu buzima

Abacuruzi ba shisha bavuga ko kuyihagarika bizabatera igihombo

Ministeri y'ubuzima yatangije uburyo bushya bwo kwipimisha Sida nta muganga

Ubukangurambaga ku kurwanya itabi bugiye kongerwa n'umujyi wa Kigali

Amaso yaheze mu kirere ku baturage bategereje urundi rukingo rwa Hepatite B

RTV SCHEDULE