Kigali: Umubyeyi yibarutse abana 4 icyarimwe

Umubyeyi witwa Mujawayezu  Alphonsine w' imyaka 32 utuye mu murenge wa Nyamiyaga, mu Karere ka Kamonyi, kw' isaha ya saa tanu n' iminota 40 zo kuri uyu wa gatandatu, yabyaye abana bane,  umuhungu 1 n' abakobwa 3 ku bitaro bya Muhima hano mu mujyi wa Kigali.

 Abaganga bakurikirana aba bana bavutse bafite hagati y' ikilo 1 n' amagarama 800  n' ikilo 1 n' amagarama 3, bavuga ko ubuzima bwabo bumeze neza, umubyeyi wabo akaba yabyaye abazwe, ibyo bita cesarienne. Gusa ababyeyi b' Aba bana bavuga ko basanzwe batishoboye bakaba bakeneye ubufasha bwabunganira mu kurera aba bana.

Abaganga mu bitaro bya Muhima bavuga ko kuba umubyeyi yabyara abana 4 ari ibintu bidasanzwe muri ibi bitaro kuko byaherukaga mu mwaka wa 2003. Ababyaye izi mpanga bo bavuga ko mu muryango wabo hari abari barabyaye abana b' impanga 2, abandi bakaba barabyaye 3.

INKURU IRAMBUYE MU MASHUSHO: