MIGEPROF ivuga ko ibikinisho bigira uruhare rukomeye mu burere bw'umwana muto

Ministeri y'uburinganire n'iterambere ry'umuryango ku bufatanye na UNICEF n'indi miryango ikora mu birebana no kwita ku bana, bateguye inama igamije kuganira ku ruhare rwo gukina n'ibikinisho binyuranye, bigira mu gutuma umwana akura mu bijyanye n'ubwenge kuva akiri muto.

Muri iyo nama abakora ibyo bikinisho, abigisha abana n' abareberera uburenganzira n' imibereho myiza y' abana, bahuriza ku kuba iyo umwana abashije gukina, akabona ibikoresho by'ibanze yifashisha kuva mu bwana bwe, bituma umwana akura mu buryo bwihuse mu birebana n' ubwenge, imitekerereze ye ikaguka kandi yazaba mukuru akaba umuntu umenya kubahiriza inshingano ze neza no gufata icyemezo.

Ku ruhande rw'abana nabo bavuga ko iyo bakina bafite ibikinisho binyuranye bagenda barushaho gusobanukirwa uko bikora. Muri iyi nama biteganijwe ko abayitabiriye baganira ku birebana n' uburyo umwana kuva akiri muto yakwitabwaho neza kugirango ejo hazaza azavemo umuntu w' ingirakamaro uzagira uruhare mu kubaka igihugu cye.