Yanditswe May, 18 2017 18:02 PM | 2,178 Views
Minisitiri w'ububanyi n'amahanga n'ubutwererane Louise Mushikiwabo aratangaza ko leta y'u Rwanda ishyize imbere imibanire myiza n'amahanga, ngo ariko kandi uyu mubano mu bya diplomasi ugomba no kubyazwa inyungu mu by'ubukungu n'ubucuruzi kuruta uko byari bisanzwe.
Mu bikorwa by'ingenzi iyi minisiteri izibandaho mu mwaka w'ingengo y'imari wa 2017-2018, harimo kuvugurura inyubako za ambasade z'u Rwanda hirya no hino, kubaka n'izindi nshya, nk'iya Washington muri leta zunze ubumwe za Amerika ndetse n'iyo muri Nigeria. Minisitiri w'ububanyi n'amahanga n'ubutwererane Louise Mushikiwabo, akavuga ko imibanire y'u Rwanda n'amahanga by'umwihariko ibihugu bya Afurika, izarushaho kubyazwa umusaruro mu by'ubukungu ugereranyije n'imyaka 3 ishize, ibintu ngo iyi minisiteri yiteguye.
Minisitiri Louise Mushikiwabo, avuga kandi ko u Rwanda
ruzafungura ambasade muri Morocco na Mali mu mwaka utaha w'ingengo y'imari.
Mu bindi abadepite bifuje, harimo gushakirwa umwanya wo
gusangizwa amakuru y'uburyo imibanire y'u Rwanda n'amahanga iba ihagaze, Mushikiwabo yabemereye ko minisiteri izajya ibikora byibura buri mezi
6.
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru