Minisitiri w'intebe Anastase Murekezi yakiriye mu biro bye ambasaderi wa Korea

AGEZWEHO


Minisitiri w'intebe Anastase Murekezi yakiriye mu biro bye ambasaderi wa Korea

Yanditswe June, 09 2017 at 00:39 AM | 2840 Views



Minisitiri w'intebe Anastase Murekezi yakiriye ambasaderi wa Korea y'epfo ibiganiro byabo bikaba byibanze ku kureba uko n'abanyarwanda bashora imari yabo muri icyo gihugu. Ministre ushinzwe imirimo y'inama y'abaminisitiri Stella Ford Mugabo akaba yatangaje ko iki gihugu cya Korea cyiteguye gufasha abanyarwanda gukorerayo ingendo shuli.

Ibiganiro Ambasaderi wa Korea y'epfo Kim Eung-Jong yagiranye na Minisitiri w'intebe Anastase Murekezi byibanze ku guteza imbere ishoramari hagati y'ibihugu byombi. Ni ishoramari rishingiye ku guteza imbere ikoranabuhanga, kongerera abakozi ubushobozi no guteza imbere uburezi, ubuhinzi, ingufu n'ibindi. 

Minisitiri ushinzwe imirimo y'inama y'abaminisitiri Stella Ford Mugabo avuga ko muri ibi biganiro, ambasaderi wa Korea y'Epfo Kim Eng-Jong na Minisitiri w'intebe Anastase Murekezi byari bigamije kurebera hamwe uburyo Abanyarwanda nabo batangira kugira ingendo shuri muri Korea zigamije kureba amahirwe y'ishoramari ahari yabyazwa umusaruro n'abanyarwanda, "Abanyarwanda kuba bashora imari yabo muri Korea ibyo ntibiratangira, ni nayo mpamvu ambasaderi yagaragarije Prime Minister amubwira ko byaba byiza cyane cyane abashoramari b'u Rwanda bakomeza gusura S.Korea bakareba ibihari, bakareba ibyo nabo bagiramo ingungu kugirango nabo bashore imari yabo muri S.Korea ariko noneho no gukorana na Private sector yo muri Korea bakaza ino nabo bakajyayo, ndetse yadusezeranyije ko yadufasha mu gutegura izo ngendo zo kugirango Abanyarwanda bashobore kujya muri S.Korea kureba ibikorwa muri S.Korea no kugirango habemo ubwo bufatanye.

Ishoramari rya Korea y'Epfo ryitezweho kandi guteza imbere gahunda y'ibikorerwa mu Rwanda gahunda yiswe Made in Rwanda ndetse n'ikoranabuhanga mu isakazabumenyi iki gihugu cyakatajemo.



Ba wambere gutanga igitekerezo

Tanga igitekerezo:



RSS FEED

PM Dr. Ngirente arasaba ababyeyi kugira uruhare mu kurinda igwingira ry'aba

PM Dr. Ngirente arageza ku nteko gahunda zijyanye no guteza imbere ubuhinzi

PM Dr. Ngirente Edouard yakiriye imishinga yo gukwirakwiza amazi n'amashany

Guverinoma y'u Rwanda yashyize ahagaragara imyanzuro 13 yavuye mu mwiherero

Ministre w'intebe Dr.Ngirente yasobanuriye inteko ibijyanye na gahunda y�

Minisitre w'intebe Ngirente yasabye abashinzwe uburezi gusura ibigo by'