Ministre w'intebe Murekezi yafunguye Hotel ya ADEPR iri ku Gisozi

AGEZWEHO


Ministre w'intebe Murekezi yafunguye Hotel ya ADEPR iri ku Gisozi

Yanditswe February, 04 2017 at 19:14 PM | 1028 Views



Ministre w' intebe, Anastase Murekezi yatashye ku mugaragaro  inyubako zubatswe n' itorero rya Pentecote mu Rwanda ziherereye ku Gisozi mu Karere ka Gasabo.

Ni inyubako zuzuye zifite agaciro ka miliyari 6 na miliyoni zisaga 900 z' amafaranga y' u Rwanda

Kigali Dove Hotel aryo zina ry'izi nyubako zatashye igizwe n' ibyumba byo kuraramo bigera kuri 69, inzu nini ishobora kwakira abantu basaga 3000 n' ibindi byumba bito by' inama byakira abantu bari hagati ya 50 na 500. 

Mw' ijambo rye Ministre w' intebe Anasatase Murekezi  yashimiye ADEPR ku ruhare igira muri gahunda z' iterambere zitandukanye.Yabasabye gukomeza kwagura ibikorwa by'iterambere bajyana n' intambwe y' iterambere igihugu cyiyemeje. 

Yabasabye kdi gukora ibishoboka byose kugirango services zizatangirwa muri iriya hotel zibe ntamakemwa 

Ikindi kdi yabasabye guharanira kunga ubumwe birinda icyabatandukanya. Ku ruhande rw' ubuyobozi bwa ADEPR nkuko byatangajwe na Bishop Jean Sibomana uyobora iri torero ku rwego rw' igihugu bo bavuga ko  biyemeje gukomeza gusengera igihugu n' ubuyobozi bwacyo kuko ari impano nziza Imana yahaye abanyarwanda.




Ba wambere gutanga igitekerezo

Tanga igitekerezo:



RSS FEED

Musanze: ADEPR yahaye impfubyi n'abapfakazi ubwisungane mu kwivuza n'i