Ministre w'intebe Murekezi yatangije gahunda yiswe nk'uwikorera muri Karongi

Ministre w'intebe Anastase Murekezi arasaba abaturage kugaragaza aho serivise zidatangwa neza kugira bikosorwe kuko ari uburenganzira bwabo. Ibi minister w'intebe yabivugiye mu karere ka Karongi ubwo yatangizaga mu rwego rw'igihugu gahunda yiswe nk'uwikorera igamije gukangurira inzego za leta n'iz'abikorera kurushaho kunoza service batanga.

Ministre w’intebe yibukije abayobozi gucika ku mvugo "uzaze ejo" kuko ihesha isura mbi ubuyobozi. Ministre w'intebe yavuze ko hari inzego zikwiye gushyirwamo imbaraga zikomeye kuko abaturage bazishimiye ku rwego ruri hasi: ubuhinzi bwishimirwa ku gipimo cya 48%, ubworozi 54%, VUP 58%, GIRINKA 59%.

Izi serivise kimwe n'iz'ubuvuzi nizo zizaherwaho mu gukorwaho ubukangurambaga! urwego rwa serivisi rwinjiza 48% by'umusaruro wose w'ubukungu bw'igihugu nyamara serivise zishimiwe ku gipomo cya 72,9% mu gihe intego ari ukugera kuri 85% mu 2018.