Ministre w'intebe Ngirente yagaragarije inteko gahunda ya guverinoma mu burezi

Ministre w'intebe Ngirente yagaragarije inteko gahunda ya guverinoma mu burezi

Yanditswe December, 01 2017 at 22:56 PM | 3317 Views



Minisitiri w'intebe Dr Edouard NGIRENTE avuga ko kugira ngo intego yo kubaka ubukungu bushingiye ku bumenyi igerweho, hakwiye kuzibwa icyuho kikigaragara mu byerekeranye n'ubumenyi n'ubumenyingiro bukenewe mu kuzamura ubukungu bw'igihugu. Ibi yabitangaje kuri uyu wa gatanu, ubwo yagezaga ku nteko ishinga amategeko gahunda ya guverinoma ku bijyanye n'uruhare rw'uburezi mu kubaka igihugu gifite ubukungu bushingiye ku bumenyi.

Kugeza ubu, mu Rwanda abafite ubumenyi bujyanye n'ibikenewe ku isoko ry'umurimo ni 61%. Guverinoma ikaba yarihaye intego ko abarangije amashuri abanza, 60% bajya muri TVET naho 40% bakajya mu mashuri asanzwe. Muri aba 40%, ngo intego ni uko 80% baziga imibare, science n'ikoranabuhanga. Mu myaka 7 iri imbere kandi, hazahangwa imirimo igera kuri miliyoni 1 n’igice. 

Minisitiri w’intebe yavuze ko integanyanyigisho ishingiye ku bushobozi bw'umunyeshuri, izagira uruhare mu kuzamura ireme ry’uburezi.Kuva mu mwaka wa 2011 kugera mu wa 2016, umubare w'abana b'inshuke bajya mu ishuri wavuye kuri 11,6% ugera kuri 24%. Mu mashuri abanza n'ayisumbuye, byavuye kuri 96% bigera kuri 98%. Abiga amashuri y'imyuga bavuye ku bihumbi 67,919 bagera ku 93,158, kandi n'amashuri abyigisha yarazamutse. Umubare w'abarimu babyize nawo wavuye kuri 63.4% ugera kuri 69.2%. Ngo hanatangiye kandi integanyanyigisho igamije kuzamura ireme ry'uburezi.

Inkuru irambuye mu mashusho:




Ba wambere gutanga igitekerezo

Tanga igitekerezo:



RSS FEED

Sena y'u Rwanda yarebeye hamwe amategeko rusange agenga ibigo bya leta

Inzibutso za Jenoside 4 zishobora kujya ku rutonde rw'umurage w'isi

Inteko yumvise ibisobanuro bya MINICOM na MINAGRI ku bibazo bitandukanye

Umubare w'abagore mu buyobozi ni muto iwacu--Abadepite (Ibirwa bya Maurice)

Abantu batagendana indangamuntu bazajya bacibwa amende--Min. Kaboneka Francis

Min. Gatete yasonaburiye inteko aho amafaranga yiyongera ku ngengo y'imari

RTV SCHEDULE