Ministre w'ububanyi n'amahanga Mushikiwabo yasuye igihugu cya Benin

AGEZWEHO


Ministre w'ububanyi n'amahanga Mushikiwabo yasuye igihugu cya Benin

Yanditswe February, 04 2017 at 19:24 PM | 1043 Views



Ministre w’ububanyi n’amahanga Madam Louise Mushikiwabo yagiriye uruzinduko rw’akazi I Cotonou muri Benin, mu rwego rwo gukomeza gushimangira umubano hagati y’u Rwanda na Benin

Muri uru ruzinduko Ministre Mushikiwabo yagiranye ibiganiro na perezida wa Benin Patrice Talon, byibanze ku kureba aho buri gihugu kigeze gishyira mu bikorwa amasezerano y’ubuhahirane n’ishoramari hagati y’ibihugu byombi yasinyiwe I Kigali mu kwezi kwa 9 k’umwaka ushize, ubwo Perezida Patrice Talon yasuraga u Rwanda. Icyo gihe umukurun w'igihugu cya Benin yashimiye gahunda ya leta y'u Rwanda yo kwigira ndetse no korohereza abanyafurika kwinjira mu Rwanda.

Akimara kugera mu gihugu cye Perezida Patrice talon nawe yahise atangaza gahunda yo koroshya urujya n'uruza ku banyafurika bifuza kwinjira muri Benin

Ibi kandi byanakurikiranye nuko sosiyete y'indege y'u rwanda, Rwandair itangiza ku mugaragaro ingendo hagati ya Cotonou ariwo murwa mukuru wa Benin na Kigali.

Mu kiganiro Minisitiri Louise Mushikiwabo yagiranye na Television y'igihugu cya Benin yavuze uru ruzinduko rugamije gutsura kandi imikoranire hagati y'ibihugu byombi.

Muri uru ruzinduko kandi Ministre Mushikiwabo yagiranye ibiganiro na mugenzi we wa Benin Aurélien AGBENONCI byibanze ku gusangira ubunararibonye mu by’inganda z’imyenda, imiturire mu mijyi, ingendo z’indege, n’ibindi.

Benin ni igihugu gikungahaye ku ipamba kuko ryihariye 40% by’amafranga yinjira muri icyo gihugu avuye mu byoherezwa hanze.




Ba wambere gutanga igitekerezo

Tanga igitekerezo:



RSS FEED

Ministiri Mushikiwabo avuga ko ibibazo cy'impunzi akenshi arizo zibitera

MINAFFET yahuye n'intumwa za Zambia mu gukurikirana amasezerano y'ibih

U Rwanda rufite gahunda yo gutangiza ingendo z'indege mu Bushinwa

Min. Mushikiwabo yagiranye ibiganiro na Perezida wa Nigeria HE Muhammadu Buhari

Leta zunze ubumwe z'Abarabu n'u Rwanda bakuyeho viza ku bari mu butumw

Ministre Mushikiwabo avuga ko umubano w'u Rwanda n'amahanga wagenze ne