Mu cyumweru cyahariwe kurwanya ruswa mu nkiko,hazacibwa imanza 27

AGEZWEHO


Mu cyumweru cyahariwe kurwanya ruswa mu nkiko,hazacibwa imanza 27

Yanditswe February, 06 2017 at 12:21 PM | 495 Views



Mu Rwanda kuri uyu wa mbere hatangijwe icyumweru cyahariwe kurwanya ruswa mu nkiko, kizasozwa kuwa gatanu. Mu kiganiro yagiranye n'abanyamakuru mu rwego rwo gutangiza iki cyumweru ku mugaragaro, perezida w'urukiko rw'ikirenga prof. Sam Rugege yavuze ko kizarangwa no guca imanza 27 z'abaregwa ruswa. Kandi mbere y'iburanisha, abacamanza bazajya batanga ibiganiro ku baburanyi.

Muri iki kiganiro n'abanyamakuru hagarajwe ko kuva muri Gashyantare 2016 kugeza uyu mwaka haciwe imanza za ruswa 324. Perezida w'urukiko rw'ikirenga yavuze kandi ko imibare y'igihembwe gishize igaragaza ko ibirego bya ruswa byatanzwe byari ibirimo hagati ya frw 3000 na 5000, ahanini abaza ku isonga bagaragayeho icyo cyaha cya ruswa ari abashoferi n'aba motards.

Perezida w'urukiko rw'ikirenga prof Sam Rugege akaba asaba abakora mu nzego zose z'ubutabera gufatanyiriza hamwe mu kurwanya ruswa kuko ari ikibazo kibangamiye imikorere iboneye mu gutanga ubutabera ku baturage.

Muri iki cyumweru ku wa kabiri no kuwa kane hazaba ibiganiro nyunguranabitekerezo n'inzego z'ubutabera n'ibiganiro kuri radio na televisions bizajya bitangwa n'abaperezida b'inkiko hirya no hino mu gihugu.

Iki cyumweru cyo kurwanya ruswa cyahawe insanganyamatsiko igira iti: uburenganzira ntibugurwa, dufatanye guca ruswa. Kikazasozwa n'urugendo rwo kurwanya ruswa ruzava ku rukiko rw'ikirenga rugere kuri stade ntoya y'i remera kuwa gatanu



Ba wambere gutanga igitekerezo

Tanga igitekerezo:



RSS FEED

Ibigo bya Isange One-Stop Center bikwiye gushyirwa mu bigo nderabuzima--Sena

Abadepite bo muri Burkina Faso bari mu Rwanda kwiga ku miyoborere n'uburing

Abantu bose baturutse hanze bazajya bahabwa viza bageze mu Rwanda--'Immigra

Uruganda rukora moto mu Rwanda ruvuga ko rukora moto nyinshi kurusha izigurwa

Polisi yasinye amasezerano yo gutera ibiti na ministeri y'ubutaka n'am

Abadepite bo muri Afurika y'Epfo bari mu Rwanda mu rugendoshuli