NURC: Ibikomere n'ingengabikerezo ya jenoside bibangamira ubumwe n'ubwiyunge

NURC: Ibikomere n'ingengabikerezo ya jenoside bibangamira ubumwe n'ubwiyunge

Yanditswe November, 05 2018 at 21:40 PM | 10706 Views



Komisiyo y'igihugu y'ubumwe n'ubwiyunge iravuga ko kuba mu muryango nyarwanda hakiri ibikomere byatewe n'amateka u Rwanda rwanyuzemo kandi hamwe na hamwe hakaba hakigaragara ingengabitekerezo ya jenoside, biri mu bigikoma mu nkokora inzira y'ubumwe n'ubwiyunge

Muri raporo y’ibikorwa by’umwaka wa 2017-2018, komisiyo y’igihugu y’ubumwe n’ubwiyunge yagejeje ku nteko rusange ya Sena yahereye ku ishushusho rusange y’ubumwe n’ubwiyunge, aho igipimo cy’ubumwe n’ubwiyunge kigeze kuri 93,9%. N’ubwo icyo gipimo gisa n’igihagaze neza Musenyeri John Rucyahana, Perezida w’iyo Komisiyo avuga ko hari ibigikoma mu nkokora inzira y’ubumwe n’ubwiyunge busesuye. Yagize ati, "Nubwo igengabitekerezo ya jenoside igabanyuka iracyakomeza kugaragara.Icya 1:hari bamwe mu bayanyarwanda bakirebera mu ndorerwamo z'amoko, harimo n'abo amateka agaragaza ko basigaye inyuma. Icya gatatu turacyafite ingaruka n'ibikomere by'amateka mabi yaranze u Rwanda akanarugeza kuri jenoside yakorewe abatutsi.''

Bamwe mu basenateri bari muri iyo nteko rusange bashima intambwe yatewe ariko bagasanga hari ibikwiye kwitabwaho kurushaho kugira ngo bitazakomeza kuba inzitizi z'ubumwe n'ubwiyunge:

Mu bindi bigikoma mu nkokora inzira y’ubumwe n’ubwiyunge nk’uko byagaragajwe n’ubushakashatsi, ni imiryango ishingiye ku madini n’amatorero, aho muri bene iyo miryango, 36 yakoreweho ubushakashatsi, itatu ariyo yagaragayemo amacakubiri ashingiye ku myemerere ariko abacukumbuye icyo kibazo bakaza kuvumbura ko gishingiye ku nyungu bwite za bamwe mu bayobora ayo madini.

Haracyari kandi n'imibiri y'abazize jenoside yakorewe abatutsi itaraboneka ngo ishyingurwe mu cyubahiro, ndetse n'imitungo yangijwe muri jenoside itaratangirwa indishyi.



Ba wambere gutanga igitekerezo

Tanga igitekerezo:



RSS FEED

NURC: Amateka y'ubuhunzi yatumye abanyarwanda bamwe bisanisha n'umuco

Gusana ubumwe n’ubwiyunge ni urugendo rutagira aho ruhagararira-Fidè

Umuryango ukwiye kuba igicumbi cy'ibanze cy'amahoro mu Rwanda--NURC

Musanze: NURC ifatanije na MINALOC batangije ihuriro ry’ubumwe n’ubw

Sena irasaba komisiyo y'ubumwe n'ubwiyunge kugaragaza abafite ingengab

RTV SCHEDULE