Nsengiyumva wari warahawe igifungo cya burundu yishwe agerageza gutoroka gereza

Urwego rw'igihugu rushinzwe imfungwa n'abagororwa RCS ruratangaza ko umugororwa witwa Nsengiyumva Jotham wari ufungiye muri gereza ya Nyanza, yarashwe ubwo yagerageza gutoroka mu ijoro ryo ku cyumweru.

Umuvugizi w'uru rwego, CIP Hillary Sengabo arasobanura ibyaha uyu mugororwa Nsengiyumva Jotham warashwe yari yarahamijwe kuko yari yaranakatiwe igifungo cya burundu.

Nsengiyumva Jotham warashwe agapfa ni uwo mu murenge wa Cyuve mu karere ka Musanze. Yari afite imyaka 26 y'amavuko yatawe muri yombi ku italiki ya 19.03.2014, ari mu itsinda ry'abantu 14 bari bakurikiranyweho ibyaha birimo kwica umupolisi ndetse n'umwana warerwaga n'uwahoze ari umuyobozi w'akarere ka Musanze.