AGEZWEHO


Nyaruguru: Iyubakwa ry'umuhanda Huye-Kibeho rizatwara akayabo ka Miliyari 70

Yanditswe March, 13 2017 at 12:27 PM | 629 Views



Mu kwezi kwa Mutarama 2017 ubwo Perezida Paul Kagame yari mu ruzinduko mu gihugu cy’u Buhinde, ni bwo hasinywe amasezerano atandukanye na Minisitiri w’Intebe w’u Buhinde arimo n’ubufatanye no kubaka umuhanda uva mu mujyi wa Huye werekeza i Kibeho mu karere ka Nyaruguru.

Ubuyobozi bw’Akarere ka Nyaruguru buvuga ko bwashimiye Perezida Kagame uburyo adahwema gushakira igihugu ibisubizo, dore ko uyu muhanda wari usanzwe ari igitaka ku buryo ibinyabiziga byagendaga bitisanzuye.

Umuyobozi w’Akarere ka Nyaruguru wungirije ushinzwe Iterambere ry’Ubukungu Bisizi Antoine, yabwiye avuga ko uyu muhanda uje ari igisubizo ku iterambere ry’Akarere ka Nyaruguru, kuko uzatuma abashoramari bagana aka karere gaherereyemo ubutaka butagatifu bwa Kibeho bukurura ba mukerarugendo benshi.Ikindi ngo nuko abaturage b’aka karere nabo bazahazamukira mu bukungu kuko hari abazahabwa akazi mu gihe uyu muhanda uzaba watangiye kubakwa.

Umuhanda Huye-Kibeho ufite uburebure bwa kilometero 67, ukaba uzatwara amafaranga angana na miliyari 70, ibikorwa byo kuwubaka bikazatangira mu kwezi Kamena 2017.




Habyalimana Protais

Turishimye cyane. IMVUGO NIYO NGIRO March 22, 2017 at 19:20 PM


Tanga igitekerezo:



RSS FEED