Nyuma y’imyaka 10 zitakibarizwa mu Rwanda,inkura zagarutse

Mu masaha y'i saa cyenda z'urukerera rwo kuri uyu wa Kabiri tariki 2 Gicurasi nibwo Inkura 10 z'umukara zageze ku kibuga mpuzamahanga cy'indege i Kanombe ziturutse muri Afurika y'Epfo.

Nyuma yo gupakururwa mu ndege ya Etihad Cargo yazikuye muri Afurika y'Epfo zashyizwe mu makanyo zitangira urugendo rwerekeza muri Pariki y'Akagera aho ubwoko bw'izi nyamanswa zaherukaga mu myaka 10 ishize.

Ikigo cy'Igihugu cy'Iterambere, RDB gifatanyije na African Parks, sosiyete ifite mu nshingano zayo kugenzura pariki y’Akagera ni bamwe mu bagize uruhare mu kugarura Inkura muri iyi pariki, nk'igikorwa kigamije guteza imbere ubukerarugendo .

Inkura z’umukara 50 nizo zabaga muri Pariki y’Akagare hagati ya 1960 na 1970, mbere y’uko zihashira mu 2007 biturutse kuri ba rushimusi. Ku Isi hasigaye inkura ibihumbi 5, mu gihe ubwoko bw'inkura zirabura zisigaye ku Isi ari 1000 gusa.