Umunsi w'intwari: Perezida Paul Kagame yashyize indabo ku kimenyetso cy'ubutwari

AGEZWEHO


Umunsi w'intwari: Perezida Paul Kagame yashyize indabo ku kimenyetso cy'ubutwari

Yanditswe February, 01 2017 at 18:20 PM | 1085 Views



Perezida wa Repubulika Paul Kagame yitabiriye umuhango wo gushyira indabo ku kimenyetso cy'ubutwari kiri ku gicumbi cy'intwari i Remera mu mujyi wa Kigali. Hari mu rwego rwo guha icyubahiro intwari z'u Rwanda. 


 Yakurikiwe n'ukuriye abahagarariye ibihugu byabo mu Rwanda ambasaderi Richard Kabonero. 

Perezida wa Repubulika Paul Kagame, ndetse n'ukuriye ibihugu byabo mu Rwanda bamaze gushyira indabo ahari ikimenyetso cy'ubutwari. Abagize imiryango y'intwari nabo bahise bunamira ntwari ziruhukiye ku gicumbi cyazo.

Intwari zizirikanwa kuri uyu munsi ni umusirikare utazwi izina, uhagarariye ingabo zose zaguye n'izizagwa ku rugamba zirwanirira igihugu, hakaba Major General Fred Gisa Rwigema watangije urugamba rwo kubohora u Rwanda wanaruguyeho ku itariki 2 ukwakira 1990, abo bombi bakaba barashyizwe mu cyiciro cy'Imanzi. Hari n'abashyizwe mu cyiciro cy'Imena nk'umwami Mutara III Rudahigwa, Michel Rwagasana, Mme Uwiringiyimana Agatha, Niyitegeka Felicité n'abanyeshuri b'i Nyange.

Umukuru w'urwego rushinzwe intwari z'igihugu, impeta n'imidari by'ishimwe, yasabye abanyarwanda gukomeza kusigasira umurage u Rwanda rukesha intwari zarwo kugira ngo igihugu gikomeze kuba cyiza. 

Umunsi ngarukamwaka wo kuzirikana intwari z'u Rwanda uba ku itariki ya 1 Gashyantare, aho Abanyarwanda bahuzwa n'ibiganiro bitandukanye bakibukiranya amateka y'ibikorwa by'ikirenga byaranze intwari z'igihugu hagamijwe gukangurira Abanyarwanda kwigira ku rugero rwiza intwari zatanze.




Ba wambere gutanga igitekerezo

Tanga igitekerezo:



RSS FEED

Perezida Kagame yitabiriye imurika rya filime yamukozweho yiswe 'The Royal

Perezida Kagame yitabiriye ihuriro ry'ibihugu bigize umuryango wa Commonwea

Perezida Kagame yasabye abayobozi gushyira inyungu z'abaturage imbere y

Perezida Kagame avuga ko ubumenyi bukwiye guhabwa intebe muri Afrika

Perezida Kagame avuga ko abakobwa n'abagore ikoranabuhanga ritagomba kubasi

Perezida Kagame na Museveni mu biganiro byo kunoza umubano w'u Rwanda na Ug