Perezida Kagame avuga ko ubukungu bushingiye ku bumenyi aribwo Afrika ikeneye

AGEZWEHO


Perezida Kagame avuga ko ubukungu bushingiye ku bumenyi aribwo Afrika ikeneye

Yanditswe December, 08 2017 at 16:49 PM | 4507 Views



Perezida wa Repubulika Paul Kagame ari mu gihugu cya Misiri aho kuri ubu yitabiriye inama y’ihuriro ry’ubucuruzo ku rwego rwa Afrika. Ni inama imaze gutangizwa ku mugaragaro, aho umukuru w’igihugu ari kumwe na Perezida wa Misiri Abdel Fattah el-Sisi yagaragaje ko iterambere ry’ahazaza ha Afrika rizakunda bikozwe mbere na mbere n’abikorera, ariko yerekana ko na za guverinoma z’ibihugu zifitemo nazo uruhare rukomeye kugira ngo ibyo bigerweho.

Muri iri huriro umukuru w’igihugu Paul Kagame yabanje gushimira Perezida wa Misiri Abdel Fattah el-Sisi ku cyerekezo cye n’ubushishozi bwe mu guhuza uturere dutandukanye tw’umugabane w’afrika ku bufutanye n’umuryango w’isoko rusange uhuza uburasirazuba n’amajyepfo ya Afrika COMESA.

Perezida Kagame watanze ikiganiro ari kumwe na Perezida wa Misiri ndetse na Perezida Alpha Condé wa Guinea ari nawe uyoboye kuri umuryango wa Afrika yunze ubumwe, yavuze ko Afrika itagomba guta igihe n’amahirwe ahari akenshi atakarizwa mu nyandiko n’ibindi bidakenewe. Perezida Kagame yasoje avuga ko ubukungu butanga ikizere ari ubukungu bushingiye ku bumenyi.

Iyo nama isuzumirwamo uburyo ubucuruzi kuri uyu mugabane bwatezwa imbere, yatumiwemo bamwe muri ba rwiyemezamirimo bakiri bato ariko batanga icyizere ku mugabane wa Afurika, abashoramari, n’abafatanyabikorwa babafasha kwagura ibyo bakora. 



Ba wambere gutanga igitekerezo

Tanga igitekerezo:



RSS FEED

Perezida Kagame yitabiriye ihuriro ry'ibihugu bigize umuryango wa Commonwea

Perezida Kagame yasabye abayobozi gushyira inyungu z'abaturage imbere y

Perezida Kagame avuga ko ubumenyi bukwiye guhabwa intebe muri Afrika

Perezida Kagame avuga ko abakobwa n'abagore ikoranabuhanga ritagomba kubasi

Perezida Kagame na Museveni mu biganiro byo kunoza umubano w'u Rwanda na Ug

Perezida Kagame yakiriye bamwe mu bakuru b'ibihugu baje mu nama idasanzwe y