Warning: session_start(): open(/tmp/sess_d6g698q6sna0puu6eh8h7hd3l6, O_RDWR) failed: No space left on device (28) in /home/rbaco/public_html/admin/core/init.php on line 2
Perezida Kagame yagiranye ibiganiro na Perezida Vladimir Putin mu Burusiya

Perezida Kagame yagiranye ibiganiro na Perezida Vladimir Putin mu Burusiya

Yanditswe June, 13 2018 at 22:15 PM | 172349 Views



Perezida wa Republika y’u Rwanda uri i Moscow mu Burusiya, yagiranye ibiganiro na mugenzi Vladimir Putin watangiye amuha ikaze mu murwa mukuru w’u Burusiya. Ibi biganiro bikaba byibanze ku ngingo zitandukanye ku birebana n’ubufatanye hagati y’ibihugu byombi.

Mu ijambo rye ry’ikaze Vladimir Putin, yibukije ko Ministri we w’ububanyi n’amahanga Sergey Lavrov yagiriye uruzinduko mu Rwanda mu ntangiriro z’uku kwezi kwa gatandatu.

Perezida Putin yavuze ko uyu mwaka wa 2018 uhuriranye n’imyaka 55 ishize u Rwanda n’u Burusiya bifitanye umubano ushingiye ku bubanyi n’amahanga.

Yagaragarije mugenzi we w’u Rwanda ko anejejwe no kubona umwanya wo kuganira ku ntambwe uwo mubano w’ibihugu umaze gutera ujya mbere. Yanamwifurije kandi kugubwa neza no kugirira ibihe byize i Moscow  muri iki gihe cy’igikombe cy’isi kibura amasaha make ngo gitangire aho mu Burusiya.

Perezida Paul Kagame nawe yamushimiye ikaze yamuhaye no kuba yaramutumiye ngo asure u Burusiya, kuri ibi hakiyongeraho no kuba mu bashyitsi batumiwe mu gikombe cy’isi. Umukuru w’igihugu cy’u Rwanda yakomeje avuga ko anejejwe cyane no kuba kugeza ubu umubno w’ibihugu byombi umaze imyaka 55, kandi ko ukwiye gukomeza gushimangirwa  kugira ngo urusheho kugirira akamaro impande zombi.

Perezida Kagame nawe yagarutse ku ruzinduko rwa Ministri w’ububanyi n’amahanga Lavrov n’intumwa yari ayoboye i Kigali. Yavuze ko rugomba kuba umusingi wo kurushaho gukomeza umubano w’ibihugu byombi. Perezida Kagame kandi yashimuye by’umwihariko mugenzi we Putin kubera inkunga n’ubufatanye bw’u Burusiya mu nzego zitandukanye, zifitiye u Rwanda akamaro kanini.

Zimwe muri izo nzego ni nko mu burezi, mu mahugurwa, mu bufatanye mu bya gisirikare no mu zindi nzego.

Umukuru w’igihugu yanzuye ijambo rye avuga ko bategereje kubona abikorera b’Abarusiya mu Rwanda  no kubona bamwe muri bo basura u Rwanda mu rwego rwo kwirebera amahirwe ahari bafatanya n’Abanyarwanda mu gushoramo imari.



Ba wambere gutanga igitekerezo

Tanga igitekerezo:



RSS FEED

Perezida Kagame ari muri Jordan kwitabira inama ihuza Afurika y'Iburasirazu

Perezida Kagame yakiriye inyandiko z'abambasaderi 9 bashya mu Rwanda

Perezida Kagame arakangurira urubyiruko kugira uruhare mu iterambere rya Afurika

Perezida Kagame yatanze ikiganiro ku “Gushyira Imbere Umuturage” mu

Perezida Kagame yitabiriye inama ya G20 muri Bueno Aires, Argentina

Perezida Kagame yifatanije n'abandi bayobozi mu nama ya Paris Peace Forum

RTV SCHEDULE


Warning: Unknown: open(/tmp/sess_d6g698q6sna0puu6eh8h7hd3l6, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/home/rbaco/public_html) in Unknown on line 0