Perezida Kagame yagiranye ikiganiro n'abanyamakuru ba Rwanda Broadcasting Agency

Impuguke mu mateka, abanyamakuru ndetse n'abaturage baratangaza ko ikiganiro gifunguye Nyakubahwa Perezida wa Repubulika Paul KAGAME yagiranye na RBA ari ikimenyetso simusiga kigaragaza ubwisanzure bw'abanyarwanda mu gutanga ibitekerezo

Uretse ku mbuga nkoranyambaga kandi, abanyarwanda bo hirya no hino mu gihugu no mu mahanga, bagize uruhare muri iki kiganiro babaza ibibazo ndetse banatanga ibitekerezo.

Jean Francois MUNYAKAYANZA, umwarimu muri kaminuza nkuru y'u Rwanda, avuga ko uburyo abaturage n'itangazamakuru bagize uruhare muri iki kiganiro, ari ikimenyetso simusiga kigaragaza ubwisanzure bw'abanyarwanda mu gutanga ibitekerezo,

Uretse muri iki kiganiro, ubusanzwe Nyakubahwa Perezida wa Repubulika Paul KAGAME, yakira ibibazo n'ibitekerezo by'abaturage mu ngendo agirira hirya no hino mu turere, mugihe abanyamakuru bo abagenera umwanya mu mpera z'ukwezi.